Mahatonga ny mpivavaka hanana fahalalahana ao anatin'ny vavaka tononiny ny fanaovana ny Salamo ho tonom-bavaka, kanefa mihoatra noho zany. Manitsy ny fanandraman'izy ireo hifanaraka amin'ny fenitr Andriamanitra ny Salamo, ary amin'ny alalan'ny fitondran'izany fanantenana sy toky ny amin'ny fanatrehan'Andriamanitra, dia manjary mora zakaina izany fanandramana izany.
Vakio ny Sal. 22. Inona ny lesona azontsika ianarana avy amin'io salamo io momba ny fitokiana amin Andriamanitra na ao anatin'ny fahoriana lehibe aza?
Mety hanampy ny olona mijaly haneho ny alahelony sy ny fahatsapany ho manirery ny teny fitarainana ao amin'ny Sal. 22:1: "Andriamanitro 6, Andriamanitro 6, nahoana no nahafoy ahy ianao? Nahoana no lavitra ahy ianao, ka tsy mamonjy ahy sady tsy mihaino ny fitarainako?" (DIEM).
Marina tokoa fa nanjary nahazatra antsika Kristianina ireo teny ireo satria teny nataon'i Jesosy teo amin'ny hazo fijaliana, izay maneho amintsika fa nanan-danja lehibe teo amin'ny fanandraman'i Kristy ny Salamo (jereo ny Mat. 27:46).
Kanefa eo anivon'izany fahoriana sy fitsapana izany dia misy ireto teny ircto koa: "Hitory ny anaranao amin'ny rahaiahiko aho, eo amin'ny fiangonana no hiderako Anao."- Sal. 22:22.
Izany hoe, na mifanipaka tanteraka amin'ny olana lehibe atrehin'ilay mpanoratra aza ireo teny ireo, dia mbola asehon'ilay mpanao Salamo ihany ny finoany an'Andriamanitra fa na inona na inona mitranga dia mbola hidera an'Andriamanitra ihany izy.
Izany hoe, ny tonom-bavaka omen'ny Salamo antsika dia mampianatra artsika hijery ankoatra ny too-javatra iainantsika ankehitriny, sy hahita amin'ny alalan'ny finoana ny fotoana izay hamerenana amin'ny laoniny ny fiainantsika noho ny fahasoavan'Andriamanitra.
Dia toy izany no itondran'ny Salamo ny mpivavaka ho amin'ny fomba fijery vaovao. Mamela ny mpivavaka haneho ny fihetseham-pony sy ny fiheverany ny mpanao Salamo, kanefa tsy mamela azy ireo hitoetra eo amin'ny tcerana misy azy. Voatarika hiala amin'ny vesa-pahoriany, ny fahadisoam-panantenany, ny hatezerany, ary ny hakiviany ny mpivavaka, ho amin'ny fitokiana amin'Andriamanitra na inona na inona toe-javatra lainany.
Miainga amin'ny fitarainana mankamin'ny fiderana ny ankamaroan'ny Salamo, izay manambara ny fiovana ara-panahy andalovan'ny mpívavaka rehefa mandray ny fahasoavan'Andriamanitra sy faherezana izy ao anatin'ny vavaka.
Ahoana no hianarantsika mijery any ankoatra ny zava-tsarotra manjo antsika ankehitriny, ka hahaizantsika mitoky amin'Andriamanitra na inona na inona atrehintsika ankehitriny?