Vakio ny Sal. 125:1,2. Inona ny sary anehoana ireo izay matoky an'i Jehévah eto?
Ampitahaina amin'ny tendrombohitr'i Ziona ireo izay matoky an'i Jehévah; tandindon’ny hery sy ny fiorenana mafy izany. Ny fahitana ireo tendrombohitra avo manodidina ny tananan‘i Jerosalema no nanentana ny mpanao Salamo hiaiky ny maha-azo antoka ny fiarovan’Andriamanitra (Sal. 5:12; Sal. 32:7, 10). Miteraka fitokiana lalina ny fijoroan'ny tendrombohitra iorenan’i Jerosalema, fa tsy tahaka ireo tendrombohitra eo ambany fanapahan'ny ratsy fanahy izay mifindra ho ao anatin’ny ranomasina (Sal. 46:2). Vao mainka mihamafy ny fitokiana ny fiarovan’Andriamanitra eo anatrehan'ny toe-javatra mahory izay toa andresen’ny ratsy matetika. Kanefa na dia eo anivon’izany faharatsiana izany aza dia azon'ny vahoakan’Andriamanitra atao ny manantena.
Vakio ny Sal. 125:3-5. Ahoana no akana fanahy ny marina? Inona ny lesona ho antsika ao anatin'izany?
Mety hahakivy ny zanak’Andriamanitra ny fahombiazan'ny ratsy fanahy, ary mety hahatonga azy alaim-panahy hanaraka ny lalan‘izy ireo (Sal. 73:2-13; Sal, 94:3). Tsy miaro ireo izay manalavitra an’Andriamanitra ny tendrombohitra mafy orin'i Ziona. Mbola manana fahalalahana ny olona “haninjitra ny tanany hanendry zava-dratsy’ (Sal. 125:3) sy *mivily ho amin‘ny sakeli-dalana mivilivily’ (Sal. 125:5). Manao ny rariny ny Tompo ary hitsara ireo izay mitoetra ao amin'ny fikomiana miaraka amin‘ireo mpanota hafa tsy mibebaka,
lty no fiantsoana ny vahoakan’Andriamanitra hijoro tsara amin'ny finoana sy hatoky an’i Jeh6vah, tahaka ny maha-fialofana tsy mihetsika ho azy ireo ny tendrombohitra Ziona. izany hoe, na dia tsy takatsika aza ny zava-miseho dia mbola azontsika atao hatrany ny matoky ny fahatsaran’Andriamanitra.
“Ny nidiran‘ny fahotana tamin‘izao tontolo izao, ny nahatongavan'i Kristy ho nofo, ny fiteraham-baovao, ny fitsanganana amin‘ny maty ary ny zavatra maro hafa koa aseho ao amin’ny Baiboly, dia zava-miafina lalina loatra, ka tsy takatry ny sain’olombelona hohazavaina, na hoe ho fantatra tanteraka marina akory aza, Nefa tsy misy antony isalasalantsika ny amin‘ny Tenin’Andriamanitra, satria tsy mahafantatra ny zava-miafina ao amin’ny fitondrany isika. (...) Misy zava- mahagaga tsy takatry ny saintsika eny rehetra eny. Ka dia tokony ho gaga ve isika raha mahita fa amin'ny ara-panahy koa dia misy zava-miafina, izay tsy haintsika fantarina velively? Ny fahalemena sy ny fahateren’ny sain'olombelona no tsy ahaizana izany. Andriamanitra efa nanome antsika porofo ampy a0 amin’ny Baiboly ny amin'ny maha-avy amin’Andriamanitra azy, ka tsy tokony hisalasala ny amin‘ny Tenin’Andriamanitra isika, satria tsy fantatsika ny zave- ‘miafina rehetra ao amin’ ny fitondrany."- DHK, tt. 122, 123.