" Koa mivoaha eo aminy hianareo, ka misaraha aminy hoy Jehôvah . 'Ary aza manendry izay ravatra tsy madio ; ary Izaho dia handray anareo ". 2 Kôr. 6:17,18.
Mofon’aina:
Rehefa hihaona am in'ny andro fampamoahana farany ny ray aman-dreny sy ny zanaka dia ho mahatahotra tokoa ny zavatra hiseho! Ankizy an'arivony maro izay nandevozin 'ny fitiavan-komana sy ny faharatsian-toetra mampietry, ary tonga ratsy fitondrantena tanteraka, no hijoro eo anatrehan'ireo ray aman-dreny izay nahatonga azy ho toy izany. Iza ankoatra ny ray aman-dreny no natao hiantsoroka izany andraikitra mahatahotra izany? (...) Moa ve tsy ny fahotan'ny ray aman-dreny izay nafindrany tamin'ny zanany tamin'ny alalan'ny fitiavan-komana sy ny firehetam-po mampitotongana no nahatonga izany? Ary moa ve izany tsy asa notanterahin'ireo izay nanao an-tsirambina ny fanabeazana ny zanany ho araka ny môdely efa nomen’ Andriamanitra? (…)
Vonona ny hanao ny asany i Satana: tsy mba hataony rainazy ny haneho zava-mahataona maro amin'ireo ankizy tsy mba manana hery na sitrapo ara-pitondrantena hanoherana azy. Hitako fa, amin'ny alalan'ny fakam-panahy alefany, dia efa naoriny ny fisian'ny lamaody miovaova tsy tapaka, ny fialam-boly (...) izay mety hitarika ny renim-pianakaviana handany ny fotoany amin-javatra tsy misy heviny (...). Ny tanorantsika dia mitady reny izay hampianatra azy dieny mbola zaza menavava hifehy ny firehetan'ny fo, handositra ny hatendan-kanina ary handresy ny fitiavan-tena.
Ny vehivavy dia tokony hihazona ny toerana efa nanendren'Andriamanitra azy hatrany am-boalohany, amin'ny maha-mpanampy tandrify ny vadiny azy. Mila reny tsy anarany fotsiny izao tontolo izao (...). Azontsika atao ny milaza tsy amim-pisalasalana fa masina kokoa, ary voatokana kokoa noho ny an'ny lehilahy ny adidy mampiavaka ny reny. Aoka ny reny hahatsapa ny fahamasinan'ny asany. (...) Mampirisika ny reny kristianina aho hahazoany an-tsaina ny andraikiny sv hananany fiainana manome voninahitra an'Andriamanitra fa tsy izay hahafinaritra ny tenany ihany. Nandao ny lapam-panjakany i Kristy ary nanarona ny maha-Andriamanitra A zy tamin'ny maha-olombelona, mba hampianarany antsika (...) fa azontsika atao ny hisandratra eo amin'ny toeran'ny zanakalahy sy zanakavavy, (...) zanaky ny Mpanjakan'ny lanitra. CE, 177-179.