"Nefa hoy Izy tamiko: Ampy ho anao nv fahasoavako; fa ny heriko dia tanterahina amin'ny fahalemena.'' 2 Kôr. 12:9.
Mofon’aina:
Tsy misy olona natao eo amin'ny toerana izay tsy hahazoany mankatò an'Andriamanitra. Kely loatra ny finoan'ny Kristianina amin'izao rotoana izao. Rehefa mahatazana izay mety hisian' ny vokatra mahavelom-panantenana ihany izy ireo vao vonona hiasa ho an'i Kristy sy hampandroso ny ranjakany. Manampy ny ezaka rehetra ataon'ny tena mpino tsirairay avy ny fahasoavan"Andriamanitra. Ampy ho antsika ao anatin'ny tue-javatra rehetra mets hiseho izany fahasoavana izany. Handefa ny heriny manavao sy mandavorary eo amin'ny toetran'izay vonona hankatò sy ho mahatoky ny Fanahy Masina.
(…)Tompon'andraikitra isika ny amin'ny tahazavana izay manazava ny lalantsika. Mety ho voahodidin'ny zava-tsarotra mety hahaketraka isika, ary manao izany ho fialan-tsiny noho ny tsy nankatoavantsika ny fahamarinana ao Jesôsy . Maivana loatra anefa izany fialan-tsiny izany. Raha misy ny fialan-tsiny noho ny tsy rankatoavana, dia toy ny mampiseho izany fa tsy marina Ilay Raintsika any an-danitra satria fepetra izay tsy azontsika harahina no omeny hahazoana ny famonjena
Tsy tokony haminavina ireo fizahan-toetra rehetra mety hiseho mialoha ny fifaranan'izao taranaka izao ny Kristianina. Ny hany tokony hataony dia ny manom-boka manompo an'Andriamanitra, ka hivelona sy hiasa isan'andro ho voninahitr' Andriamanitra manom-boka amin'io andro io. Amin'izay fotoana izay dia hihena tsikelikely ireo olana toa tsy azo hihoarana; ary raha tsy maintsy hiatrika izay rehetra nampatahotra azy izy, dia homena azy araka izay ilainy ny fahasoavan'Andriamanitra. Mitombo miaraka amin'ny olana atrehina sy resena ny hery. ( ...)
Izay tapa-kevitra hanompo ny Tompo kosa dia hahita fomba mandrakariva hijoroana ho vavolom-belona. (...) Afaka ny hisedra ny fanaovana zinona sy ny eso izy ireo raha mibanjina an'i Jesôsy ( ...) izay niaritra ny fanoherana nataon'ny mpanota Taminy. Izy izay marina amin'ny tenany dia mampanantena fanampiana sy fahasoavana. Tsy ho diso amin'ny fanatanterahana ny teny fikasany Andriamanitra ho an'ireo izay mitoky Aminy. — Sketches from the Life of Paul, 296-298.