"Izay efa tian'Andriamanitra ho nampahafantarina ny haren'ny voninahitr'ity zava-miafina ity any amin'ny jentilisa, dia Kristy ao anatinareo, Izay fanantenana ny voninahitra. — Kôl. 1:27.
Mofon’aina:
Sarotra ho an'ireo mihevitra fa efa miorina tsara eo amin'ny tanjona notratrariny sy mihevi-tena ho manam-pahalalana ara-panahy feno ny mandray ny hafatra [ho an'ny Laodikia] izay milaza ny mahadiso hevitra azy sy ny filany ny fahasoavana ara-panahy rehetra. (...) Naseho ahy fa maro no mandoka ny tenany ho Kristianina vanona nefa tsy manana akory ny tara-pahazavana avy amin'i Jesôsy. Tsy manana fanandramana velona ho an'ny tenany izy eo amin'ny fananana fiainana araka an'Andriamanitra. (...)
Mitarika tsikelikely ny vahoakany Andriamanitra. Tolona sy dia mitohy ny fiainana kristianina. Amin'ny ezaka tsy miovaova sy tsy miato no hihazonantsika ny fandresena ny fakam-panahy alefan'i Satana. (...) Ny fanambaran'ny Soratra Masina izay betsaka sady mazava no hanohana antsika tanteraka eo amin'ny toerana misy antsika. Ny tena tsy ananantsika indrindra anefa dia ny fanetren-tena araka izay ampianarin'ny Baiboly, ny faharetana, ny finoana, ny fitiavana, ny fandavan-tena, ny fiambenana ary ny toe-tsain'ny fahafoizan-tena. Mila rnikolokolo ny fahamasinana voalazan'ny Baiboly isika. Manjaka eo amin'ny vahoakan'Andriamanitra ny ota. (...) Maro no mifikitra amin'ny fanahiany sy ny fahotana mbola ankamamiany, nefa dia mamita-tena tokoa amin'ny filazany sy fahatsapany fa tsy mita na inona na inona izy. Heveriny fa tsy ilaina akory ny fananaran'ny Fanahin'Andriamanitra, na koa hoe tsy natao ho azy.
lzy anefa no tena mita indrindra ny fahasoavan'Andriamanitra sy ny fahaiza-manavaka (...) mba hahitany ny tsy fahampian'ny fahalalany ara-panahy. Saika ireo lafiny rehetra ilaina indrindra amin'ny fandavorariana ny toetra kristianina no tsy ananany. (...)
Tsy ampy ny milaza fotsiny fa mino ny fahamarinana isika. Ny miaramilan'ny hazo fijalian'i Kristy rehetra dia saika mirotsaka an-tsitrapo avokoa eo amin'ny ady atao amin'ny fahavalon'ny fanahy (...). Ny hafatr'ilay Vavolombelona marina dia manambara fa misy fahadisoan-kevitra lehibe eo amin'ny vahoakantsika, izay ilana indrindra ny fampitandremana azy ireo, mba hanairana azy ao amin'ny torimasony ara-panahy ka hahatonga azy hiasa tsy misy hatak’andro. TFC, b. 3, tt. 253, 254.