"Koa amin'izany, na mihinana na misotro hianareo, na inona na inona ataonareo, dia ataovy ho voninahitr'Andriamanitra izany rehetra izany." - 1 Kôr. 10:31.
Mofon’aina:
Hoy ny Apôstôly Paoly : " Tsy fantatrareo va fa izay mihazakazaka eo amin'ny tany fihazakazahana dia samy mihazakazaka avokoa, nefa ny iray ihany no mahazo ny loka? Mihazakazaha toy izany mba hahazoanareo Ary ny mpihazakazaka rehetra dia mahonon-tena amin'ny zavatra rehetra. Kanefa ireny dia mitady satro-boninahitra mety ho lò ihany, fa isika kosa ny tsy mety ho lò. Raha izaho ary, dia mihazakazaka, nefa tsy toy ny manao kitoatoa; ary mamely totohondry aho, nefa tsy toy ny mamely ny rivotra; fa asiako mafy ny tenako ho mangana ka andevoziko, fandrao, na dia efa nitory tamin'ny sasany aza aho, dia holavina kosa ny tenako." - 1 Kôr. 9:24.
Ilain'ny Kristianina ny ho hentitra amin'ny fahalalana onony. Tokony hikendry fenitra ambony izy ireo. Zava-dehibe indrindra ny fahalalana onony eo amin'ny fomba fihinana, ny fomba fisotro sy ny fomba fitafy. Foto-kevitra no tokony hifehy fa tsy filana sy haitraitra. Ireo izay mihinana be loatra, na koa mihinana sakafo izay mampiahiahy ny kalitaony, dia mora mirona ho amin'ny fanaranam-po sy "ny filana maro tsy misy antony sady mandratra, izay mandentika ny olona ao amin'ny fandringanana sy ny fahaverezana" - 1 Tim. 6.9. Ny "mpiara-miasa amin' Andriamanitra" dia tokony hampiasa ny hery miasa mangina rehetra ananany mba hampirisihana ny fipariahan'ny tena foto-kevitry ny fahalalana onony marina.
Midika zavatra maro ny fahatokiana amin'Andriamanitra. Manana fitakiana amin'ireo rehetra izay mandray anjara amin'ny fanompoana Azy Andriamanitra. Faniriany ny hihazonana ny saina sy ny vatana ao anaty fahasalamana tanteraka, ary ny hery sy ny fahafaha-manao rehetra ho eo ambanin'ny fifehezan’Andriamanitra, ary hotehirizina ho matanjaka araka izay fahazarana voakajy sy hentitra. Adidintsika amin'Andriamanitra ny manolotra tanteraka tsy misy fepetra ny tenantsika ho Azy. (...)
Ny tanjatsika sy ny fahafaha-manaontsika rehetra dia tokony hampito-mboina sy hatsaraina tsy an-kiato amin'izao fotoana fizahan-toetra izao. Ireo izay mankatò izany foto-kevitra izany ihany, sy voaofana hikolokolo mihinana sakafo izay mampiahiahy ny ny vatany ary manana fahatahorana an'Andriamanitra, no tokony hofidina hitana andraikitra amin'ity asa ity. - CDF, tt. 156,157.