"Koa Jehovah dia mbola hiandry mandra-pamindrany fo aminareo,
ary mbola hitoetra any amin'ny avo Izy mandra-piantrany anareo, fa Andriamanitry ny fahamarinana Jehovah; sambatra izay rehetra miandry Azy." - Isa. 30:18.
Mofon’aina:
Natao ho an'ny olona rehetra ny filazantsara, ary izany dia hampikambana ao amin'ny fiangonana ny lehilahy sy ny vehivavy samy hafa, na teo amin'ny fiofanana noraisiny na ny toetrany sy ny fomba fisainany. (...)
Ny vahoakan' Andriamanitra dia manana fiantsoana ambony sy masina. Solontenan'i Kristy izy ireo. Izao no niantsoan' i Paoly ny fiangonana tany Korinto: "nohamasinina ao amin 'i Kristy Jesosy, olona voantso sady masina"- 1 Kôr. 1:2. I Petera indray nilaza hoe: "taranaka voafidy, fanjakà-mpisorona, firenena masina, ' olona nalain 'Andriamanitra ho an 'ny tenant', mba hilazanareo ny hatsaran'Ilay niants() anareo hiala tamin'ny maizina ho amin 'ny fahazavany mahagaga. "– 1 Pet. 2:9.
(...) Vato voapaika nentina avy any an-tendrombohitra no nanaovana ny tempolin'ny Jiosy, ka ny vato tsirairay dia efa samy sahaza ny toerana nandrafetana azy avy, efa voapaika, voakosoka tsara, vita sedra talohan'ny nitondrana azy tany Jerosalema. Ka rehefa tonga teo ny vato rehetra dia nizotra tsy nisy feom-pandraka na tantanana ny tao-trano.
Io trano io dia maneho ny tempol in' A ndriamanitra ara-panahy izay ivondronan'ireo fitaovana avy amin'ny firenena sy fiteny ary olona samihafa; ny saranga rehetra na ambony na ambany, na manana na ory, na avara-pianarana na tsy nandalo sekoly. Tsy misy izay singa tsy miaina ka mendrika tantanana na fandraka. Vato velona avokoa no nangonina hivoaka avy any amin' izao tontolo izao tamin'ny alalan'ny fahamarinana. Ilay Mpandrafitra Lehibe, Ilay Tompon'ny tempoly no mipaika sy manalama azy ireo, ka manao azy ho mendrika ny toerana nametrahany azy ao amin' ilay tempoly ara-panahy. Rehefa vita io tempoly io, dia ho tanteraka amin'ny lafiny rehetra, ho figagan'ny anjely sy ny olona rehetra, satria Andriamanitra no mpanorina sy mpamboatra azy. (...)— RH, 6 Mey 1884.