"Avia ary hifandahatra isika, hoy Jehovah: Na dia tahaka ny jaky aza ny fahotanareo, dia ho fotsy tahaka ny oram-panala, na dia mangatrakatraka tahaka ny sily aza, dia ho tahaka ny volon'ondryfotsy." - lsa. 1:18.
Mofon’aina:
Mamela heloka Andriamanitra; izany no zavatra tokony hitondra fifaliana lehibe indrindra ho antsika. Vonona Izy ary manaiky ny hanadio antsika ho afaka amin'ny tsy fahamarinana rehetra raha toa isika mihazona Azy amin'ny Teniny ary mahafoy ny fahotantsika. Homeny fo madio isika ary hamponeniny ao anatintsika ny Fanahiny, satria velona hanao fanelanelanana ho antsika i Jesosy. Saingy (...) tsy maintsy araka ny Fanahy no amantarana ny zava-, panahy. Ny finoana velona sy miasa ary tsy mihozongozona no mahay mamantatra ny sitrapon'Andriamanitra, izay mandray ho an'ny tenany ny teny fikasana ary mahazo tombony amin'ireo fahamarinana raketin'ny Teniny. (...) - L 4, 1889.
Rehefa mandray ny tenin'i Kristy toy ny miantefa aminao mivantana ianao, rehefa mandray ny fahamarinana ho an'ny tenany manokana ny tsirairay toy ny hoe izy irery no mpanota eto an-tany ka nahatonga an'i Jesosy ho faty, dia hianatra hitaky amim-pinoana ny fahamendrehan'ny ran' ilay Mpamonjy voahombo sy nitsangana tamin'ny maty (...).
Maro ireo mahatsapa fa ny kileman-toetrany no tsy hahafahany manatratra ny fenitra napetrak'i Kristy hotratrarintsika, kanefa ny hany izany olona izany hatao dia ny manetry tena isaky ny indray mandingana eo am bany tanana maherin' Andriamanitra. Tsy ny asan'ny olona no anombanan'Andriamanitra azy fa ny toe-tsaina entiny manatanteraka izany.
Rehefa hitany ny olona mitondra ny enta-mavesany, miezaka milonjy izany amin'ny fanetren-tena, tsy amin'ny fitokian-tena fa amin'ny fianteherana tanteraka Aminy, dia hampiany ny Fahatanterahany ny asan'izy ireo ka manjary hekena ao amin'ny Ray izany. Ekena ao amin'ilay Malala isika. Rakofan'ny fahatanterahan' i lay Tompo Fahamarinantsika ny fahalemen'ny mpanota. Ny Ray dia mijery amim-pangorahana ireo izay manana finiavana madio sy torotoro fo ary miezaka amim-panetren-tena ny hiaina araka ny fitakian'Andriamanitra. Toy ny zanaka mpankatô no fahitany azy ireo ka hatafiny azy ny fahamarinan'i Kristy. L 4, 1889.