"Ary, injao! nisy feo avy tany an-danitra nanao hoe: Ity no Zanako malalako Izay sitrako." — Mat. 3:17.
Mofon’aina:
Rehefa avy nataon'i Jaona batisa tao Jordana i Kristy, dia niakatra avy tao anaty rano ary nandohalika teo amoron'ny renirano, nanao vavaka mafana mba hanomezan'ny Rainy any an-danitra Azy ny hery hoenti-miatrika ny fifanandrinana hataony amin'ilay andrian'ny haizina. Nohenoin'ny lanitra ny vavaka nataony, ka indro ny hazavan'ny voninahitr'Andriamanitra izay namirapiratra mihoatra noho ny masoandron'ny mitataovovonana, nidina avy amin'ny seza fiandrianan'ny Mandrakizay, naka ny endriky ny voromahailala (...), nanodidina Ilay Zanak'Andriamanitra. Ary nisy feo mazava avy amin' ilay voninahitra lehibe (...) nanao hoe: "Ity no Zanako malalako Izay sitrako."
lo no antoka ho an'llay Zanak' Andriamanitra fa neken'ny Ray tamin' ny alalany ilay taranaka lavo, ary omeny tombontsoa fanindroany indray. Niravona ny fifandraisana nisy teo amin'ny lanitra sy ny tany (...) izay tapaka noho ny fahalavoan'i Adama. Tonga ota ho an'ny taranak'olombelona ilay tsy nahalala ota, mba ho azo hatafy azy ireo ny fahamarinany. Tamin'ny alalan'ny toetran'i Kristy tonga lafatra no nanandratana ny zanak'olombelona hanana tom' bambidy ara-moraly tahaka ny an'Andriamanitra; ary noho ny Fahamendrehany no nampiraisana ny mety maty amin'llay tsy manam-petra. Tamin'izany no nanisian'ilay Mpanavotra an' izao tontolo izao tetezana teo amin' ny hantsana nohadin' ny fahotana.
Vitsy anefa no mahatsapa marina ny tombontsoa lehibe nomen'i Kristy ny olombelona tamin'ny nanokafany ny lanitra ho azy. Ny Zanak'Andriamanitra no solontenan'ny taranak'olombelona; ary ny fahefana sy ny voninahitra manokana nomen'ny Mpanjakan'ny lanitra sy ny teny fankasitrahana Azy, no antoka maneho indrindra ny fitiavany ny olombelona sy ny fahatsarany. Rehefa re ny vavaka fanelanelanana nataon'i Kristy ho antsika, dia nanehoana porofo ny olombelona fa hekena eo anatrehan'Andriamanitra ny vavaka ataontsika amin'ny anaran'i Jesosy. Ny vavaka atao amim-pinoana izay mitohy sy vokatry ny fo tokoa no hanome antsika ny fahazavana sy ny hery hoenti-mijoro manoloana ny fameIezana mafy indrindra ataon'i Satana. (...) Fiainam-bavaka feno aina ny fiainan'ny Kristianina tsy matimaty. (...) Mampitodika antsika hijery ny lanitra misokatra ho hany loharanom-pahazavana sy loharanon-kery ilay Mpitarika antsika lehibe. - Sufferings, tt. 17-10 (ST, 7 Aogôsitra 1879).