Vakio' ny Sal. 15. Iza no mendrika hanao fankalazana eo anatrehan’ Andriamanitra?
Ny valiny omena ao amin'io Salamo io dia famintinana ireo fitakiana izay efa nomena ao amin’ny lalan’Andriamanitra sy ny mpaminany: ireo izay maneho taratra an’Andriamanitra eo amin'ny asany (‘manao izay mahitsy’) sy ny toetrany (‘ny fony’) (jereo Deo. 6:5; Mika. 6:6-8). Toerana masina ny fitoerana masina, ary ny Zavatra rehetra ao anatiny, isan'izany ny mpisorona, dia voatokana ho masina. Noho izany dia fepetra tsy maintsy arahina ny fahamasinana raha hiditra ao ka ho eo anatrehan’Andriamanitra. Na eo amin'ny fanompoam-pivavahana ataony na ny fitondrantenany, eny, ny eo amin'ny lafim-piainany rehetra dia natao ho masina ny Isiraely. Nomena ny vahoakan’Andriamanitra ny lalana mba hahazoan'izy ireo manatratra ny ambony indrindra eo amin'ny fahafaha- manaony; izany hoe, miaina amin'ny maha-fanjaka-mpisorona azy. Ny fiainam- pahamasinana eo ambanin'ny fanatrehan’Andriamanitra, sy ny fitondrana ny fanekem-pitahiana ho amin'ny firenena hafa, no maha-fanjaka-mpisorona.
Vakio ny Sal. 24:3-6 sy ny Sal. 101:1-3. Inona no atao hoe masina?
“Ny fahitsian’ny fo” no toetra tsara indrindra ananan’ny mpivavaka eo anatrehan’Andriamanitra. Ny teny hebreo tamim izay nadika hoe: “fahitsiana” eto dia maneho “fahatanterahana’ sy “fahafenoana’. llay hazo voaloboka tamim ao amin’ny Ezek. 15:5 dia “tsy mbola nanafahana” na ‘tsy nisy nanombinana”, tsy simba, ary salama tsara. Tsy maintsy tamim koa, na tsy misy kilema, ireo biby natao fanatitra (Lev. 22:21-24). Ny fomba fiteny tamim dia tsy misy lainga fa marina tanteraka (Joba 36:4). Ny fo tamim dia fo “mahitsy’ (Sal. 24:4) na misaintsaina ny marina (Sal. 15:2), fo mitady an’Andriamanitra (Sal. 24:6), ary fo voadio noho ny famelan’Andriamanitra ny helony (Sal. 51:2-10). Ny fiainana tsy misy tsiny dia avy amin’ny fanekena ny fahasoavan’Andriamanitra sy ny fahamarinany. Mampahery ny mpanompon'Andriamanitra ny fahasoavana ary mahatonga azy ireo hiaina amim-pahatahorana an'Andriamanitra; izany hoe manana fifandraisana ety sy tsara amin’Andriamanitra eo amin'ny fiainany, ary milefitra amin’ny Teniny. Manome voninahitra an’Andriamanitra fa tsy ny tena ny fiainana feno fanoloran-tena sy fahamasinana. Mariho fa ny ankamaroan’ny fitakiana ao amin'ny Sal. 15 dia mampiasa teny manana endrika fandavana (Sal. 15:3-5). Tsy miresaka fomba mety hahazoana sitraka amin’Andriamanitra izany fa fialana amin‘izay mety hampisaraka antsika amin’ Andriamanitra kosa.
Inona ny safidy azontsika atao amim-piheverana tsara mba hialantsika amin'izay zavatra mampanalavitra antsika amin’ Andriamanitra? Inona avy ny sasany amin'ireny zavatra ireny, ary inona ny fomba fsy hahalatsaka ‘antsika amin'izany?