February 2025

Voaporofo amin'ny farany fa marina amin'ny lafiny rehetra Andriamanitra. Miharihary tsy misy aloky ny fisalasalana ny fahamarinana sy ny fitiavan Andriamanitra tonga lafatra noho ny asan'ny Ray sy ny Zanaka ary ny Fanahy Masina ao amin'ny drafi-panavotana (jereo ny Rôm. 3:25,26; Rôm. 5:8).

Vakio ny Rôm. 3:1-4 sy ny Isa. 5:3,4. Inona no ambaran'lzany momba ny fahamarinan' Andriamanitra ao anatin'llay fifanandrinana lehibe?

Ao amin'ilay fanoharana momba ny tompon'ny tanimboaloboka, ao amin'ny Mat. 21, dia teo amin'izay nijanonan'ny Isa. 5 no notohizan'i Jesôsy, ka nanome fanampim-panazavana momba ny toetra sy ny fihetsiky ny tompon'ny tanimboaloboka Izy.

Vakio ny Mat. 21:33-39 eo am-pisaintsainanao llay fanontaniana ao amin'ny Isa. 5:4. Inona no mbola azony natao ka tsy efa nataony?

Nasehon'Andriamanitra tamin'ny fomba mahagaga tao anatin'ilay fifanandrinana lehibe ny fitiavany sy ny fahamarinany. Saingy mety mbola hisy hanontany hoe: Sao mbola misy zavatra hafa tokony ho nataon'Andriamanitra mba hanakanana sy/na hanafoanana ny faharatsiana? Hitantsika araka ny endrika isehoan'ilay fifanandrinana lehibe fa hajain'Andriamanitra ny safidy malalaka, izay ilaina mba hahatsara indrindra ny fifandraisam-pitiavany amin'ny olombelona.

Mandrava ny asan'ny devoly mandrakariva ny asan'i Kristy. Araka ny voalaza ao amin'ny 1 Jao. 3:8: "Izao no nisehoan'ny Zanak’Andriamanitra, dia ny handrava ny asan'ny devoly, ary koa mba handringanany amin'ny fahafatesana ilay manana ny herin'ny fahafatesana, dia ny devoly."Heb. 2:14. Kanefa mandalo dingana anankiroa vao tena resy tanteraka ny fahavalo sy ny fanjakany. Voalohany, ny hazo fijaliana no nentin'i Kristy nampihanjahanja ny fitak'i Satana izay nanendrikendrehany an'Andriamanitra. Ary avy eo, horavana i Satana sy ny fanjakany any am-parany.

Marina fa misy fahavalo am-perinasa, izay antsoin'i Kristy hoe "andrianan'izao tontolo izao", kanefa i Jesôsy Kristy no tena mpanjakan'izao rehetra izao. Nandresy ho antsika i Jesôsy , ary ao Aminy no ahazoantsika fandresena, na dia ao anatin'ny ady sarotra sy ny fahoriana aza. Eny tokoa, manohitra ny fahavalo tsy an-kitsahatra ny asan'i Kristy.

Hitantsika fa faritan'ny Soratra Masina toy izao ny devoly:

Hodinihina mandritra ny herinandro: Jao 18:37; Rôm. 3:23-26; Rôm. 5:8; Isa. 5:1-4; Mat. 21:33-39; Isa. 53:4; Rôm. 3:1-4.

Tsianjery:

"Ary hoy Pilato taminy: Mpanjaka va ary Hianao? Jesôsy namaly hoe: Voalazanao fa mpanjaka Aho. Izao no nahaterahako, ary izao по nihaviako amin'izao tontolo izao, dia ny hanambara ny marina. Izay rehetra avy amin'ny marina dia mihaino ny feoko." - Jao. 18:37.

Fifanandrinana mahakasika ny toetran'Andriamanitra no ivon'ny ady lehibe eo amin'ny tsara sy ny ratsy. Ny fiampangana lainga ataon'ny devoly ho fanoherana ny fahatsaran'Andriamanitra sy ny fahamarinany ary ny fitondram- panjakany no anton'izany. Karazana raharaham-pitsarana mahafaoka an'izao rehetra izao izany.

Tsy ampy hamahana ny olan'ny fifanandrinana tahaka izany ny fahefana tsotra fa mitaky asa sy fanaporofoan-javatra izany.

Vakio ny "The Power of Satan," tt. 341-347 ao amin'ny boky TFC, b. 1.

Efa hitantsika tao amin'ireo lesona teo aloha fa ao anatin'ny fifanandrinana lehibe dia omena fahefana hoenti-manapaka an'izao tontolo izao mandritra ny fotoana voafetra i Satana sy ireo mpiara-dia aminy, voafetra araka ireo fitsipika mifehy ny ady izany fanapahana izany.

Toe-javatra mahaliana izay maneho ny maha-zava-misy marina ny fifanandrinana lehibe no aseho antsika ao amin'ny bokin'i Jôba.

Vakio ny Jôba 1:1-12 sy ny Jôba 2:1-7. Inona no foto-kevitry ny fifanandrinana lehibe aseho amintsika eto?

Tsipirian-javatra manan-danja maro no azo raisina avy amin'ireo andalan-teny ireo. Voalohany dia hitantsika ny karazana filan-kevitra tany an-danitra; tsy Andriamanitra sy i Satana irery no niresaka tamin'izany fa misy mponin'ny lanitra hafa koa nanatrika tao.