April 2026

"Raha mihevitra sy miresaka bebe kokoa ny amin'i Jesôsy isika, ary kelikely kokoa ny amin'ny tenantsika, dia hahazo Kristy mifanatrika be lavitra noho izao isika." - DHK, t. 117 (ed. 2018) "Raha mandray torohevitra avy amin'ny fisalasalana sy ny tahotsika isika, na mitady hanazava ny zavatra rehetra izay maizimaizina amintsika vao hino, dia vao mainka hitombo sy hihalalina ny fahasahiranan-tsaina mahazo antsika.

Nahoana isika no mivavaka nefa Andriamanitra efa mahalala ny toe-javatra ? Tcy izao ny fanazavan'i Ellen G. White momba izany : "Tsy maintsy atao izany [ny vavaka], tsy noho ny mba hampahafantatra an'Andriamanitra ny toetsika, fa ny mba hahatonga antsika ho afaka handray Azy. Ny fivavahana dia tsy mampidina an'Andriamanitra ho aty amintsika, fa mampiakatra antsika ho any Aminy kosa."- DHK, t. 106.

Tahaka ny nampianaran'i Jesôsy antsika hivavaka ao amin'ny Mat. 6:5-15, dia azontsika atao ny manaraka io modely tsotra io rehefa manatona an'Andriamanitra manokana isika, na miaraka amin'ny ankohonantsika, na miaraka amin'ny fiangonana, ka mahatsiaro fa ny vavaka dia firesahana amin'Andriamanitra toy ny amin'ny namana iray. Matetika loatra ny vavaka ataontsika no feno fangatahana, nefa i Jesôsy nampianatra antsika mba hivavaka ho amin'ny zavatra maro izay lehibe lavitra noho izany!

Tamin'ny andron'i Jesôsy dia nomen-danja fatratra ny vavaka lavareny sy tsara rafitra toy ny zava-kanto — teny saro-takarina sy natao tsianjery matetika no nampiasaina tamin'izany. Tsy nanan-javatra tsara holazaina mikasika ireny karazan-tonom-bavaka ireny i Jesôsy (jereo ny Mat. 6:5-8). Nantsoiny amin'izay tena anarany tokoa ireny: fisehosehoana ho fampiderana ny "fitiavam-bavaka."

Angamba ianao efa nivavaka momba ny zavatra iray nandritra ny fotoana maharitra, mety aman-taona, ary toy ny hoe tsy ren'Andriamanitra ireny vavaka ireny. Hoy ny Baiboly amintsika: "Mangataha, dia homena hianareo" - Mat. 7:7, "raha mangataka zavatra araka ny sitrapony" - 1 Jao. 5:14. Manao ahoana ny fahatakaranao ireo teny fikasana ireo?

Velona tao anatin'ny fotoana nanjakan'ny faharatsiana i Elia mahatoky. Nataon'ny mpanjaka Ahaba tamin'izany izay "nampahatezitra an'i Jehovah, Andriamanitry ny Isiraely, mihoatra noho ny mpanjakanby Isiraely rehetra izay teo alohany." - 1 Mpanj. 16:33. Ny fifanandrinana teo an-tendrombohitra Karmela hatreto no fotoana :11 nanamarika indrindra ny fiainan'i Elia (jereo ny 1 Mpanj. 18). Teo amin'ny fiafaran'io tantara mahatalanjona io no nahitan'i Ahaba sy ny fanjakany izao fahamarinana izao: mamaly vavaka Andriamanitra.

Hodinihana mandritra ny herinandro:  1 Mpanj. 19:1-18; Mat. 6:5-8; Lb. 11:2-4; Mat. 6:5-15; Dan. 9:4-19; Rôm. 8:26,27.

Tsianjery:  "Matokia Azy mandrakariva ianareo, ry olona; loary eo anatrehany ny fonareo; Andriamanitra no aro ho antsika." - Sal. 62:8

Raha ny marina, tokony hivavaka isika satria tena tiantsika Andriamanitra, ary tsy haintsika tsotra izao ny tsy hifampizara Aminy ny zava-drehetra eo amin'ny fiainantsika: na ny fifaliana na ny "fandresena" azontsika, na ny enta-mavesatsika na ny fanahiantsika, na ny fangatahantsika izay haintsika isan'andro. "Azontsika atao ny ho akaiky indrindra an'Andriamanitra, ka raha mamely tampoka ny fakam-panahy dia hitodika faingana any Aminy ny saintsika, dia toy ny fitodiky ny voninkazo any amin'ny masoandro.

Vakio ny Eks. 32:31,32. Inona no ampianarin'izany antsika momba an'i Mosesy sy ny vavaka?

Vakio ny Gen. 5:22-24. Inona no tena fantatsika momba an'i Enoka?

Tsy dia milaza zavatra maro momba ny fiainan'i Enoka ny Baiboly, afa-tsy ny hoe niara-nandeha tamin'Andriamanitra 300 taona izy mandra-pitondran'Andriamanitra azy ho any an-danitra. Mahafinaritra tokoa izany hoe ny fanoloran-tena tsy miovaova ho an'Andriamanitra no mamaritra ny fiainan'ny olona iray!