May 2026

Miresaka betsaka momba ny fifandraisana i Jesôsy ao amin'ny Toriteny teo an-tendrombohitra — ny fifandraisana Aminy sy ny fifandraisantsika samy isika. Lalina tokoa ny hevitra fonosin'ny tapany faramparany amin'ny hafatra nambarany: "Tsy izay rehetra manao Amiko hoe: Tompoko, Tompoko, no hiditra amin'ny fanjakan’ny lanitra, fa izay manao ny sitrapon'ny Raiko Izay any an-danitra." - Mat. 7:21.

I Jesôsy mihitsy no nanazava tamin-kery sy namintina tamin'ny teny mazava ny fifandraisany amin'ny Ialàna .

Inona no ambarany mikasika ny Ialàna ao amin'ny Mat. 5:17, 18?

Ahoana no hamaritanao sy hanoritsoritanao ny fahotana amin'ny olona iray tsy Kristianina? Ahoana no amaritan'ny Baiboly ny fahotana? Vakio ny Rôm. 3:20 sy ny 1 Jao. 3:4.

Marobe ireo hafatra ao amin'ny Baiboly izay miresaka momba ny fifandraisantsika amin'Andriamanitra sy ire() fefy manakana antsika tsy hitombo ao amin'i Kristy. Diniho ireto teny nambaran'i Paoly sy i Jesôsy ireto:

"Koa izay manao azy fa efa mijoro tsara, dia aoka izy hitandrina, fandrao ho lavo." - 1 Kor. 10:12. Toa an'i Samsona, hahalavo anao ny fianteheranao amin'ny tenanao.

Vakio ny amin'ny fakam-panahy nahazo an'i Samsona ao amin'ny Mpits. 14 sy ny Mpits. 16:1,4,16,17. Na dia nantsoina ho amin'ny tanjona iray manokana aza i Samsona, dia tsy nanohitra ny fakam-panahy izy raha nanompo an'Andriamanitra. Inona no lesona azontsika tsoahina avy amin'ny fiafaran'ny fiainany?

Tena zava-misy tokoa ny fifanandrinan'ny tsara sy ny ratsy, ary isika rehetra no voakasik'izany. Ny ady izay nanomboka tany an-danitra dia mitohy sy miseho eo amin'ny fiainantsika tsirairay koa.

Hodinihina mandritra ny herinandro: Mpits. 14; Mar. 9:42-48; Rôm. 3:20; Mat. 5:17,18; Rom. 3:28; Mat. 7:24-29.

 Tsianjery : "Tsy hohadinoiko mandrakizay ny didinao; fa ireny no amelomanao ahy. Anao aho, vonjeo aho; Fa ny didinao no tadiaviko." - Sal. 119:93,94.