July 2026

 "Ary Jehôvah Andriamanitra nanao hoe: Tsy tsara raha irery ralehilahy; dia hanaovako vady sahaza ho azy izy." - Gen. 2:18.

Mofon’aina:
Hitako matetika ireto teny ireto: «Miankina amin'ny vintana ny fanambadiana.» Toa mino izany fanambarana izany ny olona sasany, ary vavolombelona maneho izany ny fiainan-tokantranony. Tsy miankina amin'ny vintana velively anefa ny tena fanambadiana marina. Naorina tany Edena ny fanambadiana.

"Izay lehilahy mahazo vady dia mahazo zava-tsoa sady mahita sitraka amin'i Jehôvah ." - Ohab. 18:22.

 "Aoka ny lahy hanao izay mety hatao amin'ny vavy; ary mba toy izany koa ny vavy amin'ny lahy." - 1 Kor. 7:3.

"Hianareo vehivavy, maneke ny vadinareo araka izay mety hatao ao amin'ny Tompo. Hianareo lehilahy, tiava ny vadinareo, ary aza sosotra aminy." Kol. 3:18,19.

 "Fa hatramin'ny fony vao nanaovana izao tontolo izao dia lahy sy vavy no nanaovany ny olona. Ary noho izany ny lehilahy dia handao ny rainy sy ny reniny ka hikambana amin'ny vadiny." - Mar. 10:6,7.

"Ary noho izany ny lehilahy dia handao ny rainy sy ny reniny ka hikambana amin'ny vadiny; dia ho nofo iray ihany ireo." - Gen. 2:24.

"Ary Andriamanitry ny fahasoavana rehetra, Izay efa niantso anareo ho any amin'ny voninahiny mandrakizay ao amin'i Kristy, rehefa niaritra fahoriana vetivety hianareo, dia Izy no hahatanteraka sy hampiorina ary hampitoetra anareo." - 1 Pet. 5:10.

"Ary Andriamanitry ny fiadanana anie hahamasina anareo samy ho tanteraka, ka aoka harovana avokoa ny fanahinareo sy ny ainareo ary ny tenanareo ho tanteraka ka tsy hanan-tsiny amin'ny fihavian Jesosy Kristy Tompontsika." - 1 Tes. 5:23.

"( ...) hataoko ahoana no hanao izany ratsy lehibe izany ka hanota amin 'Andriamanitra? " - Gen. 39:9.

Mofon’aina:
Misy mandrakariva ireo olona manana toetra mora manaiky sy malemy sitrapo, ka sarotra ho azy ny manao "TSIA" hentitra, ary vonona hanaraka am-bokony ny hafa izay matanjaka sy tapa-kevitra kokoa izy, hiala amin'Andriamanitra. Tsy manana hery anaty azo ianteherana ireny olona ireny, ary tsy manana foto-kevitra mafy orina hamonjy azy ireo tsy hanaiky soso-kevitra ratsy na tsy hamolavola fahazaran-dratsy. (...)

"Fa izay an’i Kristy Jesosy dia efa nanombo ny nofony mbamin'ny faniriany sy ny filany tamin 'ny hazo fijaliana." - Gal. 5:24.

Mofon’aina:
Tsy tompon'ny tenantsika isika. fa olom-boavidy» isika, tsy tamin'ny «zavatra mety ho simba, tahaka ny volafotsy sy ny volamena (...) fa ny ra soami Kristy; » ffNlba tsy ho velona ho an’ny tenany intsony izay velona, fa ho an’izay efa maty sy nitsangana hamonjy azy» - 1 Pet. 1:18,19; 2 Icor. 5:15.