July 2026

"Nanoratra taminareo zatovo aho, satria mahery hianareo, ary mitoetra ao anatinareo ny tenin'Andriamanitra, sady efa naharesy ilay ratsy hianareo." - 1 Jao. 2:14.

Mofon’aina:
Tian'Andriamanitra ny ankizy sy ny tanora, miaraka amin'ny   talentany vao misandratra, ny tanjany, ary ny herim-pony, mbamin'ny toetrany malaky taitra, ary faniriany ny hiarahan'izy ireo miasa amim-pirindrana amin'ny anjelin'ny lanitra. (…)

"Anaka, maneke ny ray sy ny reninareo ao amin'ny Tompo, fa marina izany. Manaja ny ray sy ny reninao fa izany no didy voalohany misy teny fikasana." - Efes. 6:1,2.

"(...) Izaho no hiady amin'izay miady aminao, ary Izaho no hamonjy ny zanakao. - Isa. 49:25.

"Ary Jesosy nitombo saina sy tena sady nandroso fitia tamin'Andriamanitra sy ny olona." - Lio. 2:52.

 "(...) dia nanorina alitara teo koa ho an'i Jehôvah izy ka niantso ny anaran'i Jehovah." - Gen. 12:8.

 "Kanefa kosa mitandrema hianao, ka tandremo tsara ny fanahinao, fandrao hadinoinao ny zavatra izay efa hitan'ny masonao, ary andrao miala amin'ny fonao izany, amin'ny andro rehetra hiainanao, fa ampahafantaro ny zanakao sy ny zafinao izany." - Deo. 4:9.

 "Mba ho tahaka ny zava-maniry maroroka ny zanakai-lahy, ary ho tahaka ny vato fehizoro voasoratra tsara toy ny fomban'ny lapan'andriana ny zanakai-vavy." Sal. 144:12.

"Ary ny zanakao rehetra dia ho samy efa nampianarin'i Jehôvah, ka dia ho be ny fiadanan'ny zanakao." - Isa. 54:13.

Mofon’aina:
Tokony hampianarina ny ankizy sy ny tanora fa nomena fahaiza-manao izy ireo ho fanomezam-boninahitra an'Andriamanitra. Koa tsy maintsy mianatra ny leson'ny fankatoavana izy ireo, satria tsy misy afa-tsy ny fiainam-pankatoavana an-tsitrapo no hahafahan’izy ireo manompo an'Andriamanitra mifanaraka amin'ny fitakiany. (...)

"Zaro amin'izay lalana tokony halehany ny zaza, ka na rehefa antitra aza izy, dia tsy hiala amin'izany. " - Ohab. 22:6.

"Ary aoka ho ao am-ponao izao teny andidiako anao anio izao. Dia ampianaro tsara ny zanakao izany, ary resaho, na mipetraka ao an-tranonao hianao, na mandeha any an-dalana, na mandry, na mifoha." - Deo. 6:6,7.