"Fa izaho milaza ny marina aminareo: mahatsara anareo ny fialako; fa raha tsy hiala Aho, dia tsy ho avy aty aminareo ny Mpananatra; fa raha handeha Aho, dia hirahiko ho aty aminareo Izy." Jao. 16:7.
"Fa ny Mpananatra, dia ny Fanahy Masina, Izay hirahin'ny Ray amin'ny anarako, Izy no hampianatra anareo ny zavatra rehetra sy hampahatsiaro anareo ny zavatra rehetra izay nolazaiko taminareo." - Jao. 14:26.
"Ary Izaho hangataka amin'ny Ray, ary Izy hanome anareo Mpananatra hafa mba ho eo aminareo mandrakizay, dia ny Fanahin'ny fahamarinana, Izay tsy azon 'izao tontolo izao horaisina, satria tsy hitany na fantany; fa hianareo no mahafantatra Azy, satria mitoetra eo aminareo Izy, ary ho ao anatinareo." - Jao. 14:16, 17.
"Koa raha hianareo, na dia ratsy aza, mahalala hanome zava-tsoa ho an 'ny zanakareo, tsy mainka va ny ray, izay any an-danitra, no hanome ny fanahy masina ho an 'izay mangataka Aminy?" - Lio. 11:13.
"Fa hahazo hery hianareo amin'ny hilatsahan'ny Fanahy Masina aminareo, ary ho vavolombeloko any Jerosalema sy eran'i Jodia sy Samaria ary hatramin'ny faran'ny tany."- Asa. 1:8.
Mofon'aina: Vavaka fangatahana ny Fanahy Masina no nataon'ny fiangonana voalohany raha vao niorina izy ireo. Mbola teo amin'ny fahazazany ny fiangonana tamin'izany, ary tsy niaraka tamin'izy ireo mivantana intsony i Kristy. Taloha indrindran'ny niakarany tany an-danitra no nanirahan'i Kristy ny mpianany mba hitory ny filazantsara amin'izao tontolo izao. (...)
"Koa raha ho levona toy izany izao zavatra rehetra izao, dia olona tokony hanao ahoana moa hianareo amin'ny fitondrantena masina sy ny toe-panahy araka an 'Andriamanitra, sady manantena no mampahafaingana ny hihavian 'ny andron 'Andriamanitra."- 2 Pet. 3:11,12.
