Vakio ny Apôk. 12:7-9. Inona no ambaran'io andininy io ny amin’ny fahafahana misy any an-danitra sy ny fiandohan’ny ratsy? Reheta nikomy i Losifera dia fomba ahoana no azon'Andriamanitra namaliana izany?
Ireo andininy ireo dia manoritsoritra ny ady ifanaovan’ny tsara sy ny ratsy. Niady tamin’i Kristy i Satana sy ny anjeliny ka noroahina tsy ho any an-danitra nony farany. Toa hafahafa tokoa ny hoe any amin’ny toerana tonga lafatra toy ny lanitra no ipoahan’ny ady. Nahoana no niseho izany? Namorona anjely ratsy izay nanomboka io ady io ve llay Andriamanitra fitiavana? Nanana kilema mahafaty izay nandrisika azy hikomy ve io anjely io? Manazava tsara ny niandohan’ny ratsy ny Baiboly. Manala sarona ny zava-misy ao amin'ilay ady ifanaovan’ny tsara sy ny ratsy izany.
Ampitahao ny Ezek. 28:12-15 sy ny Isa. 14:12-14. Inona no nitranga tao an-tsain’io anjely nantsoina hoe Losifera io ka nahatonga azy hikomy?
Tsy namorona devoly Andriamanitra. Namorona voary feno famirapiratana manjelanjelatra antsoina hoe Losifera Izy. Tonga lafatra ny namoronana io anjely io. Tao anatin’izany fahatanterahany izany ny fananany fahafaha-misafidy fitsipika fototry ny fitondran'Andriamanitra izay mandeha araka ny fitiavana fa tsy amin’ny fanerena. Tao amin'i Losifera, tany an-danitra, no niandohan’ny ota. Tsy misy fanazavana araka ny lôjika ny amin’ny namelan’io anjely tonga lafatra io ny avonavona sy ny fialonana hamaka tao am-pony ka ho tonga fikomiana amin’ny Mpahary azy.
Nirin’i Losifera ho an’ny tenany, izay voary noforonina, ny fiankohofana izay an’ny Mpamorona irery ihany. Niezaka ny handrombaka ny seza fiandrianan'Andriamanitra izy tamin'ny fisalasalany ny amin’ny fahefan’ Andriamanitra. Nahatonga ady tany an-danitra ny fikomiany.
Na dia nandefitra ela tamin’i Losifera aza Andriamanitra dia tsy afaka namela azy hanimba ny lanitra amin’ny alalan'ny fikomiana nataony. “Nitalaho tamin’i Losifera ny filan-kevitry ny lanitra. Nasehon’ny Zanak’Andriamanitra azy ny fahalehibeazan’ny Mpamorona, ny fahatsarany, sy ny fahamarinany, ary koa ny fahamasinan’ny laiàny sy ny tsy fiovany. Andriamanitra mihitsy no efa nampitoetra ny filaminan’ny lanitra; ary raha miala amin’izany i Losifera dia hanala baraka ny Mpanao azy sy hahatonga fandringanana ho an’ny tenany Ny fampitandremana nomena tamim-pitiavana sy ny famindrampo tsy hita tany anefa dia mainka nampirongatra toe-tsaina fanoherana.’ – HM, t. 511.
Inona ny lesona azonao tsoahina avy amin’ny toetran'Andriamanltra amin’ny fomba fitondrany ny ratsy?