Vakio ny Mar. 1:29-34. Ahoana no nanampian'i Jesõsy ny ankohonan'i Petero ary inona ny lesona ara-panahy azontsika sintonina avy amin'io tantara io?
Taorian'ilay fanompoam-pivavahana mahagaga tao amin'ny sinagóga, dia nitokana niaraka tamin'ny mpianany vitsivitsy i Jesõsy (Petera, Andrea, Jakoba ary Jaona) hankany an-tranon'i Petera mba handany ireo ora sisan'ny Sabata amin'ny fiaraha-misakafo sy ny fiarahana amin'ireo sakaizany.
Nisy toe-javatra nampitebiteby anefa tamin'izay: nararin'ny tazo ny rafozam-bavin'i Petera; midika izany fa na izy mihatsara na ho faty. Nambaran'izy ireo an'i Jesôsy ny momba izany aretina izany ka noraisiny ny tanan'ilay rafozam-bavin'i Petera ary nanarina azy Izy. Avy hatrany dia nanomboka nanome izay nilain'izy ireo ilay rafozam-bavin Petera. Ohatra lehibe momba ny foto-kevitra iray izany: ireo izay novonjen'i Jesôsy sy nositraniny dia hiasa ho an'ny hafa ho setrin'izany!
Manerana ny filazantsaran'i Marka, matetika i Jesôsy no manasitrana amin'ny alalan'ny fikasihana ilay marary (jereo ny Mar. 1:41; Mar. 5:41), na dia nisy fotoana aza tsy niresahana ny amin'izany fikasihana izany (jereo ny Mar. 2:1-12; Mar. 3:1-6; Mar 5:7-13).
Tsy izay no namarana ny asa fanompoan'i Jesôsy tamin'io andro io. Nony maty ny masoandro dia marobe no tonga tao an-tranon'i Petera mba hositranina; tsy isalasalana fa ny fahitana ny zava-nitranga tao amin'ny sinagoga tamin'io andro io no anton'izany, na koa ny fandrenesana ny momba izany. Ny tsy filazan'ny mpanoratra tamin'ny mpamaky ny antony niandrasan'ny olona noho ny Sabata tsy mbola nifarana dia manondro ny fiheverany fa efa mahafantatra momba ny Sabata ireo mpamaky azy. Mifandraika amin'ny maha-mpitandrina ny Sabata ny mpamaky azy izany fomba fanoratr'i Marka izany.
Nambaran'i Marka fa tafangona teo anoloan'ny varavarana avokoa ny iray tanana tamin'io hariva io (Mar. 1:33). Azo inoana fa nila fotoana naharitraritra i Jesôsy mba hanampiany ireo olona rehetra ireo.
"Nifamoivoy teo Aminy isan'ora isan'ora ireo; tsy misy mahalala mantsy raha mboll ho eo aminy ihany Ilay Mpanasitrana ny ampitso. Tsy mbola nahita toe-javatra toy izal mihitsy Kapernaomy hatramin'izay. Feno hiram-pandresena sy antsoantsom-pahafahani ny habakabaka. Ravoravo ny Mpamonjy noho ny fifaliana nafafiny manodidina Azy. Raht nahita maso ny fahorian'ireo izay nanatona Azy Izy, dia onena ny fony, ary naharavo Azy ny nahazoany namerina ny fahasalamana sy ny fahasambarana ho azy ireo.
Tsy najanon'i Jesosy ny asany raha tsy sitrana ny marary rehetra. Efa alim-be val lasa ny vahoaka ary nanjaka tao an-tokantranon'i Simona ny fahanginana. Lasa ilal andro lava nahatrotraka ka nitady fialan-tsasatra Jesosy. Raha mbola renoky ny torimas ny tanana dia 'nifoha maraina alina koa ny Mpamonjy, dia nivoaka nankany an-tany foan ka nivavaka tany."- IFM, t. 264.