Skip to main content
Fandraisana
MALINA (Malagasy advantista eto Lyon iandrandrana ny ho avy)

[MG] Navigation principale

  • Fiambenana Maraina Androany
  • Lesona Sekoly Sabata Androany
  • Lesona Sekoly Sabata Herinandro
  • Lesona Sekoly Sabata H. lasa
  • Lesona Sekoly Sabata H. ho avy
  • Radio AWR

Breadcrumb

  1. Fandraisana

"HAINAREO VA NY HISOTRO AMIN'NY KAPOAKA IZAY SOTROIKO?"

Daty
Alarobia 21 August 2024

Vakio ny Mar. 10:32-45. Ahoana no anehoan'ireo andininy ireo fa tsy mbola takatry ny mpianatra ihany ny asa nanirahana an'i Jesôsy sy ny atao hoe manara-dia an'i Jesôsy?

Nandroso nanatona an'i Jerosalema ny dian'i Jesôsy, ary nambarany tamin'ny mpianany teny an-dalana izay hitranga rehefa tonga ao. Tantara tsy ninoan'izy ireo izany na niriny horenesina. Nanaitra tokoa ny nilazan'i Jesôsy mazava ny hahafatesany sy ny hitsanganany amin'ny maty, saingy rehefa tsy tiana ny mandre zavatra iray, dia mora tokoa ny manadino azy.

Toy izany indrindra no niseho tamin'i Jakôba sy i Jaona teto raha nanatona mangingina an'i Jesôsy izy ireo nanao fangatahana. Rehefa nofotorin'i Jesôsy tsara izay tena tiany nangatahina, dia namaly ireo hoe: "ny, hipetrahanay ny anankiray ho eo amin'ny ankavananao, ary ny anankiray ho eo amin'ny ankavianao, any amin'ny voninahitrao."Azo tsikeraina mora foana ho fitiavan-tena ny fangatahan'izy ireo. Kanefa efa nanolo-tena hanao ny asan'i Jesôsy izy mirahalahy ireo, koa angamba tsy dia fitiavan-tena tanteraka no nanesika azy ireo hangataka izany.

Niezaka nanokatra ny sain'izy ireo i Jesôsy hahatakatra izay angatahiny. Nanontaniany raha hain'izy ireo ny hisotro amin'ny kapoaka izay sotroiny na ny hatao batisa amin'ny batisa izay anaovana Azy batisa. Ny kapoakany mantsy dia ny fahoriana efa hiaretany ao Getsemane sy eo amin'ny hazo fijaliana (ampitahao amin'ny Mar. 14:36), ary ny batisany dia ny fahafatesany sy ny handevenana Azy (Mar. 15:33-47), izay ahitana tranga mifanindran-dalana amin'izay niseho tamin'ny batisany araka ny voasoratra ao amin'ny Mar. 1.

Kanefa tsy takatr'i Jakôba sy i Jaona izany ka namaly mora foana izy ireo hoe: "Hainay ihany." Dia naminany i Jesôsy fa hisotro amin'ny kapoaka izay sotroiny tokoa izy ireo ary hatao batisa amin'ny batisa izay anaovana Azy batisa. I Jakôba no maty maritiora voalohany tamin'ireo apôstôly (Asa. 12:2). I Jaona kosa no ela velona indrindra tamin'ny apôstôly, ilay natao sesitany tany amin'ny nosy Patmo (Apôk. 1:9), saingy efa nilaza i Jesôsy fa ny amin'ny toeram-boninahitra dia Andriamanitra no mamaritra izany.

Inona ny fihetsiky ny mpianatra teo anatrehan'izany? Tsy dia tsara. Ampiasaina ao amin'ny Mar. 10:41 ilay teny grika hoe aganakteô, nadika hoe "tezitra", izay nampiasaina koa tao amin'ny Mar. 10:14 rehefa tezitra i Jesôsy raha nosakanana tsy hanatona Azy ny zaza.

Dia novorin'i Jesôsy teo Aminy ny mpianany mba hanomezany azy ny lesona mafonja indrindra. Nolazainy fa ny mpanapaka Jentilisa dia mampiasa ny fahefany hahazoan'ny tenany manokana tombony. Fa ao amin'ny fanjakan'Andriamanitra kosa, ny fahefana dia tsy maintsy ampiasaina mandrakariva hanandratana ny hafa sy ho fitahiana ho azy ireny. Nanome ohatra ny amin'izany i Jesôsy amin'ny maha-Mpanjaka Azy ao amin'ny fanjakan'Andriamanitra. Tamin'ny fomba ahoana? Nafoiny ny ainy ho fanavotana antsika. Tsy izany anefa no tena nantenain'ny mpianatra ho re.

Amin'ny maha-Kristianina, inona no atao hoe "manompo" ny hafa? Izany hoe, ahoana no anehoanao io foto-kevitra io eo amin'ny fifandraisanao isan'andro amin'ny manodidina anao? 

Lesona Sekoly Sabata Herinandro

Sat 18 Oct 2025
Lesona 4: ILAY ADY AO AMBADIKY NY ADY REHETRA - Fampidirana
Sun 19 Oct 2025
Lesona 4: ILAY ADY AO AMBADIKY NY ADY REHETRA - Komandin’ny miaramilan’i Jehôvah
Mon 20 Oct 2025
Lesona 4: ILAY ADY AO AMBADIKY NY ADY REHETRA - Ady tany an-danitra
Tue 21 Oct 2025
Lesona 4: ILAY ADY AO AMBADIKY NY ADY REHETRA - Jehôvah dia mpiady mahery
Wed 22 Oct 2025
Lesona 4: ILAY ADY AO AMBADIKY NY ADY REHETRA - Jehôvah hiady ho anareo
Thu 23 Oct 2025
Lesona 4: ILAY ADY AO AMBADIKY NY ADY REHETRA - Ny safidy tsara indrindra faharoa
Fri 24 Oct 2025
Lesona 4: ILAY ADY AO AMBADIKY NY ADY REHETRA - Fianarana fanampiny

Lesona Sekoly Sabata H. lasa

Sat 11 Oct 2025
Lesona 3: : TSANGAMBATON'NY FAHASOAVANA - Fampidirana
Sun 12 Oct 2025
Lesona 3: : TSANGAMBATON'NY FAHASOAVANA - Nita an’i Jordana.
Mon 13 Oct 2025
Lesona 3: : TSANGAMBATON'NY FAHASOAVANA - Ilay Andriamanitra velona izay manao fahagagana.
Tue 14 Oct 2025
Lesona 3: : TSANGAMBATON'NY FAHASOAVANA - Tsarovy
Wed 15 Oct 2025
Lesona 3: : TSANGAMBATON'NY FAHASOAVANA - Ny fanadinoana
Thu 16 Oct 2025
Lesona 3: : TSANGAMBATON'NY FAHASOAVANA - Any ankoatr’i Jordana
Fri 17 Oct 2025
Lesona 3: : TSANGAMBATON'NY FAHASOAVANA - Fianarana fanampiny
Sat 18 Oct 2025
Lesona 4: ILAY ADY AO AMBADIKY NY ADY REHETRA - Fampidirana

Lesona Sekoly Sabata H. ho avy

Archive mensuelle

  • August 2025 (67)
  • September 2025 (58)
  • October 2025 (44)

Pagination

  • Previous page
  • 3
Powered by Drupal