Tany Makedonia dia imbetsaka i Paoly no naiditra am-ponja, araka ny filazany (2 Kôr. 6:5; 2 11:23; 2 Kôr. 7:5). Ny tranga voalohany voasoratra dia ny tany Filipy (Asa 16:16-24). Taorian'izany, dia nogadraina vetivety tany Jerosalema izy talohan'ny namindrana azy tany amin'ny fonjan'i Kaisaria.
Any amin'ny andininy hafa, dia hoy i Paoly hoe: "teto amin'ny fifatorako" – Filem. 10,13. Na tao anaty trano aza izy no gadra tany Roma, dia nifatotra tamin'ny miaramila Romana iray manokana izy. Nilaza i Ignatius, Kristianina -iray nofatorana toy izany koa, tany amin'ny voalohandohanlny taonjato faharoa, fa ireo miaramila ireo dia nitondra tena toy ny "bibidia (...) izay vao mainka mihamasiaka arakaraka ny ifandraisana tsara aminy." —Michael W. Holmes, ed., The Apostolic Fathers (Grand Rapids, MI: Baker Academic, 2007), t. 231.
Vakio ny 2 Kôr. 4:7-12. Ao amin'ireo andininy ireo, tamin'ny fomba ahoana no nahafahan'i Paoly nizaka ny fitsapana nahazo azy? Inona no hita fa nifantohan'ny fiainany?
Na toy inona na toy inona hasarotry ny fiainana, dia nahita ny lafy tsara hatrany Paoly, ary izany no nanome azy herim-po niatrehany ny adin-tsaina. Na dia namely azy tamin'ny fomba rehetra aza i Satana, dia fantatr'i Paoly fa tsy nafoy izy.
Vakio ny 2 Kôr. 6:3-7. Inona ireo harem-panahy nananan'i Paoly izay nanampy azy hiatrika ireo zava-tsarotra ireo?
Matetika isika no mety alaim-panahy hifantoka amin'ny toe-javatra misy antsika, ny fahalementsika, na ny tsy fahombiazantsika tamin'ny lasa, ka kivy. Amin'ny fotoana toy izany no ilantsika mahatsiaro ny fomba rehetra nanampian'Andriarnanitra antsika tamin'ny lasa ka nahafahantsika nandresy ny ratsy. Anisan'ny lehibe indrindra amin'izany ny Baiboly, izay "teny fahamarinana", satria afaka mandray lesona avy amin'ny fahadisoan'ny hafa isika, sy avy amin'ny fomba nahombiazan'izy ireo. Ary koa, "Ny Fanahy no mampisy vokany izay efa notanterahin'ny Mpanavotra an'izao tontolo izao. Ny Fanahy no mampadio ny fo. Amin'ny alalan'ny Fanahy dia manjary mpiray amin'ny fomban'Andriamanitra ny mpino, Nomen'i Kristy ny Fanahiny amin'ny maha-herin'Andriamanitra azy hoenti-mandresy ny fironana rehetra ho amin'ny ratsy nolovaina sy nokolokoloina, sy handatsaka lalina ny toetra amam-panahiny amin'ny fiangonany." — IFM, t. 671.
Ahoana no ahafahantsika, amin'ny maha-mambra tsotra na mpitandrina antsika, mampiseho ny tenantsika "ho mpanompon'Andriamanitra" mandrakariva - 2 Kôr. 6:4? Inona no hevitr'izany?