Vakio "Ny Sabata", toko faha-29 no amin'ny IFM.
"Tsy sahy namaly an' Kristy teo anatrehan hy vahoaka marobe ny mpitsikila noho ny fahatahorany ho tafiditre ao amin'ny zave-tsarotra, Fantany fa milaza ny marina Izy. Naleony namela olona hijaly toy izay handika ny lovan-tsofiny, nefa hamonjy biby satria fatiantoka ho an'ny tompony ny fanaovana an-tsirambina izany. Noho izany dia lehibe kokoa noho ny ho an'ny olona natao araka ny endrik Andriamanitra ny fikarakarana ny biby tsy afaka miteny. Sary manazava ny asan'ny fivavahana diso rehetra izany. Ny fanirian'ny olona hanandratra ny tenany ho ambonin’Andriamanitra no niavian’ireny, ary ny vokany dia fanetrena ny olona ho ambanin'ny biby. Ny fivavahana rehetra izay manohitra ny maha-mpanjaka an'Andriamanitra dia manala ny voninahitry ny olona izay nomena azy teo amin'ny famoronana, ary haverina aminy indray amin'ny alalan' Kristy. Ny fivavahana diso rehetra dia mampianatra ny mpanaraka azy tsy hikarakara izay ilain'ny olona, ny fijaliany sy ny zony. Mametraka tombambidiny ambony eo amin'ny olombelona ny Filazantsara, amin'izay novidin'ny ran'i Kristy, ary mampianatra ny hijery amim-pitiavana izay ilain'ny olona sy izay mampahory azy. Hoy Jehôvah : Dia hatacko ho saro-tadiavina mihoatra noho ny volamena tsara ny olombelona, eny, noho ny tena volamena avy any Ofira aza. Isa. 13:12.
Rehefa nitodika tamin'ny Fariseo Jesôsy ka nanontany azy raha mety ny manao soa na ny manao ratsy amin'ny andro Sabata, ny mamonjy aina na ny mamery aina, dia ny fikasan-dratsiny no nentiny nifanehatra taminy. Nihaza ny ain'i Jesôsy tamin'ny fankahalana mangidy izy, nefa Izy kosa namonjy aina ary nitondra fahasambarana ho an'ny vahoaka marobe. Mety kokoa ve ny mamono olona amin'ny Sabata, araka ny fikasan-dratsin'izy ireo, toy izay manasitrana ny tra-pahoriana araka izay ataony? Mety kokoa ve ny mamono olona ao am-po amin'ny andron Andriamanitra, toy izay ho tia ny olona rehetra, dia fitiavana miseho eo amin'ny asa famindrampo." - IFM, tt. 297, 298.
FANONTANIANA hifanakalozan-kevitra
1. "Ny fivavahana diso rehetra dia mampianatra ny mpanaraka azy tsy hikarakara izay illain'ny olona, ny fijaliany sy ny zony". Inona no anton'izany ary ahoana no mampitombina izany? Inona no azontsika atao mba hisorohana ny tsy firaihana manoloana ny zavatra ilain'ireo mpianakavin'ny finoantsika sy ireo any ankoatry ny fiangonana?
2. Iza no namako? Iza no namanao? Tokony hanahaka bebe kokoa an'ilay Samaritana izay nihoatra ny fefy napetraka tamin'ny androny mba hanao asam-pitiavana isika; amin'ny fomba ahoana no hanahafantsika io Samaritana io bebe kokoa noho isika manara-dia an'i Kristy?
3. Raha tia fahamarinana sy famindrampo Andriamanitra, ahoana no tokony hataontsika araka izay manan-danja indrindra amin'Andriamanitra? Ahoana no ahafahantsika mifantoka bebe kokoa amin'izay antsoin'i Jesôsy hoe: "izay lehibe amin'ny lalana"?
4. Rehefa mieritreritra sy miresaka momba ny fitsarana isika, impiry no antitranterintsika ny fomba manan-danja iray hoentin'i Jesôsy miresaka momba ny fitsarana, dia ny fitiavantsika ny hafa, indrindra fa ireo ory sy mijaly? Saintsaino izany eo am-pamakiana ny Mat. 25:31-46.