Vakio ny Kol. 4:14,15 sy ny 2 Tim. 4:10,11. Inona no mampiavaka an'i Lioka amin'i Demasy ary nahoana?
Hoy ny apostoly Jaona: "Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray. - 1 Jao. 2:15. Nahatonga an'i Lioka hiaraka tamin'i Paoly hatramin'ny farany, na inona na inona mety hitranga, ny fitiavany an'i Jesosy sy ny fanjakany, fa i Demasy kosa tia izao tontolo izao mihoatra noho ilay tontolo ho avy.
Vakio ireto andininy manaraka ireto. Inona no torohevitra omena ao ho an'ireo miandry ny fiavian'i Kristy fanindroany?
Mar. 13:32-37 ………………..………………..………………..………………..………………..………..
Tit. 2:11-14 ………………..………………..………………..………………..………………..……………
2 Pet. 3:10-14 ………………..………………..………………..………………..………………..……….
Apok. 3:17-21 ………………..………………..………………..………………..…………………………
Nampitandrina antsika matetika i Jesosy sy ny apostoly mba "hiambina", ho mailo, ary ho vonona mandrakariva ho amin'ny fiavian'ny Tompo mba tsy ho tampoka amintsika izany. Indrisy anefa, toy ireo mpianatra izay tsy nitandrina ny baikon'i Jesosy hoe "Miareta tory hianareo, ka mivavaha" - Mar. 14:38, dia maro no tsy hanatanteraka ny fiomanana ilaina. Miankina armin'izay ataontsika tompon'ny fontsika izany rehetra izany, satria tsy mahay manompo tompo roa isika.
Ao amin'ny hafatra ho an'i Laodikia dia manome antsika toromarika mazava I Jesosy. Voalohany, mila mibebaka amin'ny fahotantsika isika. Faharoa, mila manokatra ny fontsika ho an'i Jesosy isika ary mamela Azy hifehy, izay avy eo (fahatelo) hahatonga antsika hanana finoana tsara lavitra noho ny « volamena» sy fitiavana voazaha toetra ary handresy ny fakam-panahy.
Inona avy ireo toetra manokana mety hangatahin'i Jesôsy mba hibebahanao eo amin'ny fiainanao? Inona amin'ireo toromarik'i Jesôsy no tena ilainao indrindra?