Eto amin'izao tontolo anjakan'ny aterineto sy ny tambajotra sosialy ary ny fitaovana maro samihafa izao, dia sarotra ny mahazo an-tsaina ny fahasahiranana natrehin'i Paoly tamin'ny fiezahana hanampy ny fiangonana mba hahatsapa fa manana anjara amin'ny zavatra lehibe lavitra noho ny fiangonany eo an-toerana izy ireo.
Vakio ny Kol. 4:10,11. Ankoatra ny fandefasana sy fandraisana vaovao amin'ny alalan'ny iraka (Kol. 4:7-9), inona avy ireo fomba hafa nampiasain'i Paoly mba hanamafisana ny fifandraisana?
Raha jerena ny sasany amin'ireo olana izay noresahin'i Paoly ao amin'io epistily io, inona no hafatra mety ho nampitaina tamin'ny alalan'ireo fanaovam-beloma ireo?
Manorina sy manamafy ny fifandraisana eo amin'ny samy mpino i Paoly amin'ny alalan'ireo fanaovam-beloma ireo. Hitantsika eto fa havan'i Barnabasy i Marka. Koa mampiomana i Paoly ta ho avy hamangy any Kolosia koa i Marka. «Mpiara-mifatotra amiko» no ilazan'ı Paoly an'i Aristarko; izany hoe, gadra niaraka tamin'i Paoly izy. Samy miaramila mitafy «ny fiadian'Andriamanitra» izy roa lahy (Efes. 6:10,11), miady mba hanafahana ireo gadran'i Satana ho amin'ny fanompoana ao amin'ny fanjakan Andriamanitra (jereo ny 2 Tim. 2:1-4). I Jesôsy/Josto koa (anarana jiosy sy romanina izay saika mitovy fanononana amin'ny teny grika, toy ny Saoly/Paoly) dia nambarany tamin'izy ireo ho mpiara-miasa azo itokiana amin'ny fampandrosoana ny filazantsara.
Nomarihin'i Paoly fa i Aristarko, i Marka, ary i Josto dia mpino jiosy («avy amin'ny voafora»). Avy eo manonona anarana Jentilisa telo izy: i Epafra, i Lioka, ary i Demasy (Kol. 4:12-14). Zava-dehibe ny hoe: na somary nisy fifandirana aza teo amin'ny Jiosy sy ny Jentilisa tao am-piangonana, dia afaka niara-niasa tsara tamim-pahombiazara tamim-pahombiazara izy ireo, tao anatin'ny firaisan-tsaina sy ny firindrana. Nefa amin'ny filazan Paoly hoe «ireo ihany», dia toa manambara fahadisoam-panantenana izy fa ny ankamaroan'ny Kristianina jiosy dia tsy mba nanohana azy tamin'ny fahoriany. Na izany aza, zava-dehibe tamin'io fotoana io ny nisehoan'i Jaona Marka, izay nandao an'i Paoly sy i Barnabasy taona vitsivitsy teo aloha, naneritra ny dia misionera voalohany nataon'izy ireo (Asa. 13:13), İzay tsy vitan'nyhoe mahatoky fa tonga "fampiononana"ho an'i Paoly koa (Asa. 15:36-40).
Misy mikendry handrava mandrakariva ny firaisana, ary tsy zava-baovao izany. Vao tsy ela izay, tao alatin'ny taona vitsivitsy, dia nisy fiovana lehibe ny Fiangonana Advantista satrianiely patrana manerana izao tontolo izao, ary nisy hery namely ny firaisana nisy teo aminy. Tsapa eo amin'ny ambaratonga rehetra ao am-piangonana ny fahasirotana eo amin'ny fampiraisana.
Ahoana no ahafahana, ao amin'ny fiangonana misy anao, miasa mba hampihena ireo zavatra nandrahona ny handrava ny firaisantsika? Inona avy ireo olana eo an-toerana, ary inona no azo atao hamahana izany?