SABATA HARIVA 12 Jolay
Hodinihina mandritra ny herinandro: Eks. 5:1-23; Apôk. 11:8; Eks. 6:1-13; Sal. 73:23-26; 2 Mr. 6:16; Eks. 6:28--7:7.
Tsianjery: "Ary rehefa afaka izany, Mosesy sy Arona dia nankao amin'i Farao ka niteny taminy hoe: lzao no lazain'i Jehôvah , Andriamanitry ny lsiraely: Alefaso ny oloko mba hanao andro firavoravoana ho Ahy any an-efitra. Fa hoy Farao: Iza moa Jehôvah , no hekeko teny handefasako ny lsiraely? Tsy fantatro izay Jehôvah , ka tsy halefako ny lsiraely." - Eks. 5:1,2
FAMPIDIRANA
Maro ny mpino mihevitra fa tsy hiaina afa-tsy fifaliana sy firoboroboana ary fahombiazana ny olona iray rehefa manapa-kevitra ny hanara-dia an'Andriamanitra. Tsy izany mandrakariva anefa no miseho, araka izay asehon'ny Baiboly matetika. Misy indraindray ny sakana sy ny zava-tsarotra vaovao izay miseho. Mety handiso fanantenana tokoa izany, ary miteraka fanontaniana izay tsy ahazoam-batiny mora foana mandrakariva, na mety tsy ahazoam-baliny mihitsy aza.
Hiatrika fizahan-toetra maro ireo izay mitoky amin'Andriamanitra. Kanefa raha maharitra isika, dia hitondra vahaolana amin'ny fotoany sy araka ny fombany Andriamanitra. Mety hifanohitra amin'ny vahaolana haingana sy eo no ho eo izay andrandraintsika no entiny, nefa tsy maintsy mianatra mitoky Aminy isika eo anatrehan'izany.
Araka izany, dia tahaka izao ny lohahevitra hodinihina mandritra ity herinandro ity: i Mosesy sy ny baiko ny amin'ny hitarihany ny vahoakan'Andriannanitra hivoaka an'i Egypta - antson'Andriamanitra izay nataony mazava araka izay azo natao izany. Nisy fahagagana tao anatin'izany, ary tao koa ny fitenenan'Andriamanitra nivantana tamin'i Mosesy sy ny fampahafantarany ny zavatra tiany hataon'i Mosesy.
Nanao ahoana ny fahitan'i Mosesy izany, nanamora kokoa ny toe-javatra ye ny fahafantarany fa nantsoin'Andriamanitra izy ary nomena asa manokana koa mba hataony? Tokony ho mora izany, sa tsy izany? Andeha hotohizana ny tantara.