Hoy i Jesôsy tamin'ireo mpitondra fivavahana: "Dinihinareo ny Soratra Masina, satria ataonareo fa ao aminy no anananareo fiainana mandrakizay, ary ireny no manambara Ahy" - Jao. 5:39. Fanambarana sahy tokoa izany, izay nilazany ny Tenany!
Samy manana ny heviny ny olona, fa misy mpandinika sasany milaza fa faminaniana an-jatony ao amin'ny TT no tanterak'i Jesősy avy any Nazareta. Na firy na firy izany, dia mampitolagaga ny mety hisian'ny olona iray mahatanteraka na dia vitsy monja amin'ireo fotsiny aza, mainka moa fa izy rehetra. Mampiasa sary an'ohatra toy izao ny olona sasany: alao sary an-tsaina hoe fenoina vola madinika miavosa hatreo amin'ny antsasa-metatra eo ny faritra iray mitovy velarana amin'i Texas, ka ny anankiray amin'ireo vola madinika ireo lokoina mavokely, dia afangaro izy rehetra. Avy eo, asao ny olona iray mitampi-maso haka vola madinika iray ao amin'ireo. Raha tsy afaka misafidy vola madinika afa-tsy indray mandeha izy, firy isan-jato ny taha mety hahazoany ilay mavokely?
Tsy isalasalana fa efa voalaza mialoha ao amin'ny TT ny nahaterahan'i Kristy sy ny fiainany ary ny fahafatesany, izay porofo mahagagan'ny maha-Mesia an'i Kristy, Ilay nandrasana. Imbetsaka no iresahan'i Jaona ny amin'ireo andalana avy ao amin'ny TT ireo mba hanazavany ny hoe: Iza i Jesôsy, ary koa, nahoana isika no tokony hino Azy sy hanaiky ny famonjena atolony.
Inona no ambaran'ireto andininy manaraka ao amin'ny filazantsaran'l Jaona ireto mikasika an'i Jesôsy, Izay nahatanteraka ny faminaniana momba ny Mesia?
Jao. 12:13, Sal. 118:26 ……………………………………………………………………..……………
Jao. 12:14,15; Zak. 9:9 ……………………………………………………………………..……………
Jao. 13:18, Sal. 41:9 ……………………………………………………………………..………………
Jao. 19:37, Zak. 12:10, Zak. 13:6 ……………………………………………………………………..
Miorina tsara amin'ny finoanao ve ianao? Raha misy olona manontany ny antony mahatonga anao hino an'i Jesôsy ho Mesia, dia inona no mety havalinao, aiza no halehanao, ary nahoana, mba hiarovanao izany finoana izany?