Hodinihina mandritra ny herinandro: Mar. 15:42-47; Mar. 16; Kôl. 2:10-12; 1 Kôr. 15:1-8; Dan. 9:24-27; Jao. 20:11-18.
Tsianjery: "Fa hoy ilay zatovo taminy: Aza talanjona; mitady an'i Jesôsy avy any Nazareta, Izay nohomboana tamin'ny hazo fijaliana, hianareo; efa nitsangana lzy; tsy ato Izy; jereo fa teo no nametrahany Azy."- Mar. 16:6.
Nandevina ny fanantenana sy ny finoan'ny mpianatra ny nanomboana an'i Jesôsy teo amin'ny hazo fijaliana. Herinandro manjombona tokoa no nolalovan'izy ireo. Maty mantsy ny Tompony, kanefa tsy vitan'izany fa nanahy ny amin'ny ainy koa izy ireo (Jao. 20:19).
Ho hitantsika ao amin'ny Mar. 16, ilay toko farany ao amin'io filazantsara io, izay nitranga taorian'ny nahafatesan'i Jesôsy.
Voalohany, hodinihintsika ny fotoana nitsanganan'i Jesôsy tarriin'ny maty sy ny antony nankanesan'ireo vehivavy tany amin'ny fasan'i Jesôsy ny marainan'ny Alahady. Tsy dia miresaka ny amin'ilay marainan'ny nitsanganan'i Jesôsy tamin'ny maty ny Advantista indraindray satria nohararaotina loatra izany nanohanana ny fanamasinana ny andro Alahady. Ho hitantsika eto kosa hoe ahoana no tokony hifaliantsika noho ity Alahadin'ny fitsanganana amin'ny maty ity, na eo aza ny fampianaran-diso mifandray amin'izany.
Faharoa, hohazavaina ao amin'ny lesona ny andininy voalohany ao amin'ny Mar. 16, izay mifandray amin'ny lohahevitra iray hita manerana ilay boky manontolo. Hodinihintsika ao amin'ny lesona Alatsinainy sy Talata ny momba izany.
Fahatelo, hamaranantsika ny herinandro dia hodinihintsika ao amin'ny lesona Alarobia sy Alakamisy izay sisa voalaza ao amin'ny Mar. 16, sy ny iraka ampanaovin'izany antsika. Manainga ny mpamaky hitory ny filazantsara manerana izao tontolo izao ny famaranana ny lesona.