Vakio ny Sal. 87:1,2. Inona no mahatonga an'i Ziona ho toerana omen- danja tahaka izao?
Fihirana ho fankalazana an'i Ziona ny Sal. 87, amin’ny maha-tanana voafidin’Andriamanitra manokana sy tanana malala azy. Eo an-tendrombohitr'i Ziona no miorina ny tempolin’i Jehdvah (Sal. 2:6; Sal. 15:1). Amin'ny andro farany, dia ho avo noho ny tendrombohitra hafa rehetra i Ziona. Midika izany fa ambonin'izao tontolo rehetra izao ny fahalehibeazan’Andriamanitra (Sal. 99:2; Isa. 2:2; Mika 4:1). Miantso an’i Ziona ho “tendrombohitra’ ny Sal. 87 mba hanasongadinana ny haavony (Sal. 133:3). *Tian’i Jehovah mihoatra noho ny fonenana rehetra izay an'i Jakoba” ny vavahadin'i Ziona (Sal. 87:2); maneho ny fahambonian’i Ziona mihoatra ny fitoerana hafa rehetra any Isiraely izay natao ho fitoeram-pivorian'ny vahoakan'Andriamanitra tamin’ny lasa izany, tahaka an’i Silo sy Betela. Araka izany, ambaran'ny Salamo fa ny tena fiankohofana marina amin’Andriamanitra dia any amin’ny toerana voafidiny sy amin’ny fomba asainy anaovana izany.
Vakio ny Sal. 87:3-7. Inona ireo zava-malaza ambara momba an'i Ziona?
Mitaona ny firenena hanatona an'Andriamanitra ny voninahitr’i Ziona. Amin‘izany no hitaran'ny fanjakan’Andriamanitra ka hahatonga ny tany rehetra ho isan’izany fanjakana izany. Tsara homarihina fa tsy ataon’Andriamanitra ambanin-javatra tsy akory ny firenena hafa, na dia aseho ho toeran'ny fahaterahana ara-panahin’ny olona rehetra mandray an’i Jehdvah ho Mpamoniy azy aza i Ziona.
Arakaraka ny toerana nahaterahan'ny olona no nanoratana ny anaran'ny olona Isirairay tamin’ny fanisam-bahoaka (Neh. 7:5; Lio. 2:1-3). Intelo no anambaran'ny alamo fa teraka tao Ziona ny firenena rehetra; midika izany fa nomen’Andriamanitra anarana vaovao izy ireo ary nomeny azy koa ny tombontsoa rehetra tokony ho an’ny zanak'i Ziona ara-dalana (Sal. 87:4-6).
Manondro ny famonjena ny Jiosy sy ny Jentilisa ny Sal. 87, ary ny firaisan’izy ireo ho fiangonana iray amin’ny alalan’ny asa fanavotan’i Kristy (Rom. 3:22; ROm. 10:12; Gal. 3:28, 29; KOl. 3:11). Ny fanehoan’ny Salamo ny fiadanan ji Ziona dia fampahatsiahivana ny fahitana nomena an’i Daniela mikasika ny fanjakan’Andriamanitra izay tonga tendrombohitra lehibe mameno ny tany manontolo (Dan. 2:34, 35, 44, 45) ary koa ny fanoharana nataon’i Jes6sy momba ny fanjakan’Andriamanitra izay manjary hazo \ehibe ipetrahan'ireo voromanidina (Mat. 13:32).
Tanteraka ao amin'ny Iraka lehibe ampanaovina ny fiangonana, dia ny hitory ny filazantsara amin’ny firenena rehetra, ny fahavononan'iZiona handray ny olona rehetra ho zanany (Mat. 28:18-20). Amin'ny fomba ahoana? Ahoana no mampifanaraka izany hevitra izany amin'ny fiantsoana antsika hitory ny hafatry ny anjely telo?