"Ho amin'ny lalàna sy ny teni-vavolombelona ihany! Raha tsy miteny araka izany teny izany izy, Dia olona izay tsy hiposahan'ny fahazavan'ny maraina." - Isa. 8:20.
Mofon’aina:
Ny fampianaran'ny Tompo, izay voalaza mazava ao amin'ny Teniny, no tokony ho fitsipi-piainantsika. (...). NyBaiboly irery ihany no tokony ho mpitari-dalana antsika. Tsy maintsy manaraka sy mankatà ny fitsipiky ny lanitra izay mitondra fiainana isika, fa tsy ny fironan'ny fontsika. Ny fahendren'Andriamanitra sy ny heriny, izay miasa amin'ny fo izay mandray, no mampirindra ny fisainana sy ny toetra hifanaraka amin'ny lalàna sy ny fitsipiky ny lanitra. Ny tsirairay no tokony handray ny fitarihan'ny Fanahy Masina, mba hahafahana mampita amin'izao tontolo izao ny fahamarinana. (...)
Asaina mampaneno fanairana ho an'ny olona isika. Tsy tokony hatory ny mpiambina ankehitriny. Tsy maintsy miambina amim-pivavahana izy ireo, mba hananany fahazavan-tsaina manoloana ny andraikiny eo anatrehan'Ilay tonga teto amin'ny tontolontsika, na dia Lahitokan'Andriamanitra aza, mba hitaona ny lehilahy sy ny vehivavy hiala amin'ny fitarihan'i Satana.
Asaina manoro lalana sy mitarika ny fanahy maro isika mba hibanjinan'izy ireo ny ohatra nasehon'i Kristy ka hahatsapany ny andraikiny manoloana Azy, satria Azy izy ireo noho ny namoronany sy nanavotany azy. Azy ny lehilahy sy ny vehivavy ary ny ankizy rehetra eto amin'izao tontolo izao. (...) Raha manaiky ho tonga zanakalahy sy zanakavavin'Andriamanitra amin'ny fankatoavana an-tsitrapo ny olombelona lavo, dia ho tonga iray amin'i Kristy izy ireo. Efa novidin'ny Mpamonjy izy ireo tamin'ny nanolorany ny Ainy hanonerana ny famaizana noho ny ota. (...) Ireo izay niova fo marina no haneho ny fahasoavan'i Kristy izay mahavonjy amin'ny fiasana ho an'ireo fanahy nohajambain'i Satana. Eo amin'ny fiainan'izy ireo no tokony hanehoan'ny mpiasan'Andriamanitra ny herin'ny fahamarinana. Tsy ho ela izao tontolo izao dia hampamoahin'Ilay Mpanome ny lalàna noho ny amin'ny lalàny izay nodikaina. Ireo izay miala amin'ny fandikan-dalàna ho amin'ny fankatoavana ihany no afaka hanantena famelan-keloka.
Tokony hasandratsika ny faneva misy soratra hoe: "Ny didin' Andriamanitra sy ny finoana an'i Jesôsy." (...) Tokony hanao ny ezaka hanairana ny mambran'ny fiangonana sy ireo rehetra mitonona ho Kristianina isika, mba hahitan'izy ireo sy hankatoavany ny fitakian'ny lalàn'ny lanitra. (...) Asaina mamoha ireo latsaka ao amin'ny torimasom-panahy isika. - TDG, t. 355.