"Ny teny atao amin'ny antony dia poma volamena ao anaty vilia volafotsy tsara soratra."-Ohab. 25:11.
Nandritra ny lanonana iray dia nandray fitenenana i Jesosy ary nanome lesona sarobidy maro. Nihaino Azy ny olona nanatrika teo; moa tsy Izy ve no nanasitrana ny marariny? Tsy Izy ve no nampahery ireo mijaly teo aminy? Tsy Izy koa ve no nitrotro ireo zanany madinika teo an-tsandriny? Voatarika ho eo Aminy ny mpamory hetra sy ny mpanota; ary rehefa niteny Izy dia nifantoka Taminy tanteraka ny fahalianan'ireo.
Nampianatra ireo mpianany ny amin'izay tokony ho fitondrantenany rehefa miaraka amin'ny hafa i Kristy. Nanome lesona azy ireo momba ireo adidy sy fitsipika co amin'ny fiainam-piarahamonina Izy, izay mitovy amin'ny lalána mifchy ny fanjakan' Andriamanitra ihany Tamin'ny oha-piainany no nampianarany ny mpianany fa rehefa mivory miaraka amin'ny besinimaro dia tokony hanan-javatra holazaina izy ireo. Ny resaka ataony mandritra ny lanonana iray dia hafa amin'izy nohenoin'ny olona tamin'ireo lanonana lasa. Hanitra avy amin'ny fiainana ho amin'ny fiainana ny teny tsirairay nambarany. Tamin'ny fomba mazava sy tsotra no nitenenany. Tahaka ny paoma volamena anaty fanaka volafotsy ny teniny.
Ny firaisana amin'i Kristy tsy hay tombanana ny hasarobidin'izany! Tombontsoantsika ny manana izany (...). Rehefa nandre ny tenin'i Kristy ireo mpianatra vpalohany dia nahatsapa fa mila Azy. Nitady Azy izy ireo, nahita Azy, ary nanaraka Azy. Niaraka Taminy izy ireo na tao an-trano, na teo am-pisakafoana, na tany amin'ny toerana mitokana, na teo am-piasana. Niaraka Taminy toy ny mpianatra miaraka amin'ny mpampianany izy ireo, nandray lesona isan'andro avy Aminy momba ny fahamarinana masina. Toy ny fijerin'ny mpanompo ny Tompony ny fijerin'izy ireo Azy(...). Tamim-pifaliana sy fahafinaretana no nanompoany Azy.
Omen-danja lehibe ny fikambanana misy eo amintsika. Maro no mety ho voaofantsika ho olona tsara sy tia manampy, saingy tsy misy sarobidy mihoatra noho ny olombelona voafetra mifandray amin'Ilay Andriamanitra tsy manam-petra. Rehefa tafaray Aminy toy izany isika dia mitoetra ao anatintsika ny tenin'i Kristy (...). Fo voadio, fiainam-pahendrena, toetra tsy misy tsiny, no vokany. Amin'ny alalan'ny fifankazarana sy ny fiarahana amin'i Kristy irery ihany anefa no hahatonga antsika ho tahaka Azy, Ilay Ohatra tonga lafatra. - MLT, t. 190.