"Satria Andriamanitra efa nifidy anareo hatramin'ny voalohany hahazo famonjena amin 'ny fanamasinan'ny Fanahy sy ny finoana ny marina." - 2 Tes. 2:13.
Mofon’aina:
Voalaza ao amin'ireo andalan-teny ireo ny zava-droa loha miantoka ny famonjena ny taranak'olombelona - ny asa ataon'Andriamanitra ao am-po ary ny finoana velona sy matanjaka ananan'ireo mpanara-dia an'i Kristy. (...)
Asa (...) mandritra ny fiainana iray manontolo ny fanamasinana. Tolona atrehina mandritra ny androm-piainana ny ady atao amin.'ny "izaho", mba hahazoana fahamasinana sy handovana ny lanitra. (...) Ny fanamasinana an'i Paoly dia vokatry ny ady mitohy nataony tamin'ny tenany. Hoy izy: "maty isan-andro aho." - 1 Kôr. 15:31. (...) Amin'ny alalan'ny ezaka tsy miato no handresentsika ireo fakam-panahin'i Satana. Tsy maintsy katsahina amin-kerim-po tsy hay tohaina ny fahitsiana kristianina ary tokony hohazonina amin'ny hafanam-po tsy azo hozongozonina.
Misy siansan'ny fivavahana kristianina tokony hofehezina; lalina sy midadasika ary ambony noho ny siansan'olombelona rehetra izany, toy ny maha avo kokoa ny lanitra mihoatra amin'ny tany. Aoka ny saina hofehezina sy hobeazina ary hofanina, satria asaina manao fanompoana ho an'Andriamanitra isika, amin'ny fomba izay tsy mifandrindra arnin'ny fironana maha olona azontsika hatrany am-bohoka. Misy fironana ho amin'ny ratsy, izay nolovaina sy nokolokoloina, tokony horesentsika. Tsy maintsy hampianarinany fonts i kamba hiorenany tsara ao amin' Andriamanitra. Tokony hanorina fahazarana maro eo amin'ny fisainana isika, mba hahafahantsika manohitra ny fakam-panahy. (...)
Mahakasika ny olombelona rehetra ny teny nolazaina tamin'i Jesosy teo amin'ny Onin'i Jordana; nataon'Andriamanitra Taminy izany, amin'ny maha Solontenantsika Azy. Tsy nailika ho toy ny olona tsy misy vidiny isika na dia mpanota sy malemy aza. Nataony izay hanekena antsika "maimaimpoana ao amin 'ny Malala" - Efes. 1:6. Ny voninahitra izay teo ambonin'i Jesosy no porofon'ny fitiavan'Andriamanitra antsika. Milaza amintsika ny herin'ny fivavahana izany mahatratra ny sofin'Andriamanitra ny feon'ny olombelona ary ankasitrahana any amin'ny Iapan'ny lanitra ny fangatahantsika. (...) Ham irapiratra amintsika koa ny fahazavana nitaratra avy teo amin'ny varavaran'ny lanitra izay nisokatra teo ambonin'ny Mpamonjy, rehefa mangataka fanampiana mba hanoherana ny fakam-panahy isika. Ilay feo izay niteny tamin'i Jesosy dia milaza izao koa amin'ny fanahy mino rehetra: "Ity no Zanako malalako Izay sitrako." — RH, 15 Oktôbra 1908.