"Ary mba ho hita ao aminy aho tsy manana ny fahamarinako, izay avy amin'ny lalàna, fa izay avy amin'ny finoana an'i Kristy, dia ny fahamarinan’Andriamanitra amin'ny .finoana." - Fil. 3:9
Mofon’aina:
Zavatra iray ny mamaky sy mampianatra ny Baiboly, ary zavatra iray hafa koa ny mandrakitra ao am-po ireo fitsipiny mitondra fiainana sy manamasina. (...) "Fa fahasoavana no namonjena anareo amin'ny finoana" - Efes. 2:8. Tokony hobeazina ny saina mba hampihatra finoana fa tsy hikolokolo fisalasalana sy fiahiahiana ary fialonana. Manana fironana loatra ny hijery ny sakana ho toy ny tsy azo anihina isika. Lesona sarotra ianarana ny mino ireo teny fikasan'Andriamanitra, sy ny mandroso ka tsymanaiky hofehezin'ny toe-javatra. Mahasoa ny zanak'Andriamanitra tsirairay anefa, ary tokony hataony, ny mianatra izany lesona izany. Aoka isika hankamamy mandrakariva ny fahasoavan 'Andriamanitra, satria nomena antsika ho hany fomba hahafaha-manatona an'Andriamanitra izany. (...)
Ny finoana resahin'ny Tenin'Andriamanitra dia miantso ny hananana fiainana izay manao ny finoana an'i Kristy ho fitsipika velona mifehy azy. Sitrapon'Andriamanitra ny handavorariana ny finoana an'i Kristy amin'ny asa. Ampifandraisin'i Kristy amin'ireny asa ireny ny famonjena sy ny fiainana mandrakizain ' ireo izay mino, ary amin'ny alalan'ny asa no hizarany ny tara-pahazavan'ny fahamarinana ho any amin'ny firenena sy ny olona rehetra. Izany no vokatry ny fiasan'ny Fanahin'Andriamanitra.
(...) Aseho amin'ny teny sy ny asa mandrakariva ny finoana. Mitera-boka-tsoa ny finoana noho izy singa iray sarobidy eo amin'ny fiainana. Ny fiainana voavolavolan'ny finoana dia ahitana risi-po hivoatra sy handroso mba hanaraka ny dian-tongotr'i Kristy. - RH, 17 Marsa 1910.
Nalain'ny (...) fahamarinana avy tany amin'ny fihadiam-baton'izao tontolo izao toy ny vato marokoroko isika ary napetrany ho ao amin'ny trano fiasan'Andriamamtra. Izay tena mino marina an' i Kristy ho Mpamonjiny manokana dia hahatsapa ny asa ataon'ny fahamarinana ho azy. Miasa ny finoan'izany olona izany. (...) Tsy haintsika ny mamorona finoana, saingy azontsika atao ny miara-miasa amin 'i Kristy eo amin'ny fampiroboroboana ny fitomboan'ny finoana sy ny fandreseny. - Ms 32, 1894.
Ny finoana izay miasa amin'ny fitiavana sy manadio ny fanahy no mitondra ireto vokatra ireto: fanetren-tena, faharetana, fahari-po, fahamoram-panahy, fiadanana, fifaliana ary fankatoavana an-tsitrapo. - L 4, 1889.