"Anaka, maneke ny ray sy ny reninareo ao amin'ny Tompo, fa marina izany. Manaja ny ray sy ny reninao fa izany no didy voalohany misy teny fikasana." - Efes. 6:1,2.
Mofon’aina:
Ny zanaka dia anarin'ny Apôstôly mba hankatò ny ray aman-dreniny ao amin'ny Tompo, ho tia manampy sy mora alahatra. Izay tena tia an'Andriamanitra dia tsy hiziriziry amin'ny heviny manokana ka tsy hahasambatra ny tenany sy ny hafa. Hiezaka haneho an'i Kristy eo amin'ny toetrany izy ireo. Mahafinaritra ny mieritreritra fa ireo tanora izay miady amin'ny fahotana, mino, miambina eo am-piandrasana ny fiavian'ny Kristy, manaiky ny fahefan'ny ray aman-dreny, ary tia an'i Jesôsy Tompo, dia ho isan'izay tia ny fisehoany sy hitsena Azy amin'ny fiadanana.
Hijoro tsy misy pentimpentina na fiketronana eo anoloan'ny seza fiandrianan'Andriamanitra izy ireo, ary hiditra amin'ny fifaliany mandrakizay. Namolavola toetra mahate ho tia izy ireo; niambina ny vavany; tsy niteny lainga; nitandrina ny fihetsiny mba tsy hanao ratsy na inona na inona, ary nosatrohina ny satroboninahitra fiainana mandrakizay. – Ms, 67, 1909.
Tombontsoan'ny ray aman-dreny ny mitondra ny zanany miaraka aminy eo am-bavahadin'ny tananan'Andriamanitra, ka manao hoe: "Niezaka nampianatra ny zanako ho tia an'i Jehovah, hanao ny sitrapony, ary hanome voninahitra Azy aho." Ho an'ny toy izany, dia hovohana midanadana ny vavahady, ka hiditra ny ray aman-dreny sy ny zanany. (...)
Ny ankohonana tsirairay ho tafiditra ao an-tananan'Andriamanitra dia tsy maintsy ho mpiasa nahatoky tao an-tokantranony, tety an-tany, nahatanteraka ny andraikitra napetrak' i Kristy taminy. Rehefa any, dia hitondra ny vahoakany ho eo amin'ny hazon'aina i Kristy, ilay Mpampianatra any an-danitra, ary hanazava aminy ireo fahamarinana izay tsy takany teto amin'ity fiainana ity. Hahazo fanabeazana ambony lavitra sy amin'ny fahafenoany ny vahoakany mandritra izany fiainana ho avy izany.
Hosatrohina satroboninahitra volamena ny Iohan'izay miditra ao an-tananan'Andriamanitra. Tsy tokony hisy amintsika tsy ho tafiditra ao ka tsy hahita izany fifaliana lehibe izany. Hatsipin tsika eo an-tongotr'i Jesosy ny satroboninahitsika, ary hanome voninahitra sy hidera ny anarany masina hatrany isika. (...)
Fiainana mandrakizay ao an-tananan'Andriamanitra no valisoan'ny fankatoavana ao amin'ny fiainan-tokantrano. – RH, 28 Oktobra 1909.