"Fa na iza na iza hianareo no natao batisa ho an'i Kristy dia nitafy an 'I Kristy" - Gal. 3:27.
Mofon’aina:
Ireo izay mitondra ny anarana hoe Kristianina dia manolo-tena ho mahatoky amin'Andriamanitra. Mifamatotra Aminy sy ireo anjely any an-danitra toy ny fianakaviana fray izy ireo. (...) Izay rehetra ataony, amin'ny lafiny rehetra, dia tokony ho mendrika ny olona masina. Tsy maintsy esorina izay tsy mendrika rehetra. (...)
Aoka hankatò ny baikon'ny Kapiteninao ianao, toy ny miaramila be herim-po, na mety hamoizanao ny ainao aza izany. (...) Koa ankehitriny, aoka hotandremanao fatratra ny sainao sy ny tenanao, satria an'i Kristy ireo. Kolokoloy hihatsara isan'andro izany, mba ho hitan'ireo anjely manara-maso any an-danitra fa tsy very maim ny nahafatesan'i Kristy ho anao.
Tamin'ny fotoana nanekenao hitondra try anarana hoe Kristianina, dia nanome toky ianao fa hiomana eto amin'ity fiainana ity ho amin'ilay fiainana ambony kokoa any amin'ny fanjakan'Andriamanitra. Ny hoe Kristianina dia midika hoe tahaka an'i Kristy. Tsy tokony hahitana toetran'i Satana na eo amin'ny saina na eo amin'ny vatana, fa hatsaran-tarehy, fahadiovana, fahatokiana ary fahamendrehana kosa. Raiso ho modely ho anao ny fiainan'i Kristy. Saintsaino mandrakariva ny mandrakizay. (...)
Aoka ireo izay miasa ho an'i Kristy hihazona ny foto-keviny ho madio. Aoka ny fiainany tsy ho voaloton'ny fanao ratsy, na inona na inona. Maniry sy miasa ho famerenana ny endrik'Andriamanitra ara-moraly eo amin'ny olombelona ny lanitra manontolo (...). Irin'Andriamanitra sy ireo anjely masina fatratra ny hahatraran'ny olombelona ny fenitry ny fahatanterahana, izay ho amin'izany no nahatongavan'i Kristy ho faty teto. Tiany ho iray ao amin'i Kristy sy ho tanteraka ao Aminy isika, ho mpandova ny lanitra; nefa navela hisafidy isika. Miantso antsika Andriamanitra mba hanao safidy tsara, hifandray amin'ny tafiky ny lanitra, hampihatra ireo foto-kevitra mamelona sy manasitrana, izay hamerina eo amintsika flay endrik'Andriamanitra izay nanjavona noho ny tsy fankatoavana. rehefa iainantsika. amim-pinoana ireo foto-kevitra mampiavaka ny fiainan'i Kristy, dia ho loharano miboiboika ho fiainana mandrakizay ho an'ny fanahiny izany. — L, 21, 1901.