"Io Ezra io dia (...) mpanora-dalàna izy sady nahay ny lalàn’i Mosesy, izay efa nomen’i Jehôvah , Andriamanitry ny Isiraely." - Ezra 7:6.
Mofon’aina:
Roa arivo taona mahery no lasa hatramin'ny nanomanan'i Ezra ny fony "hianatra ny lalàn'i Jehôvah ka hankato izany". Na izany aza anefa dia tsy nampihena ny hery avy tamin'ny ohatra nasehony teo amin'ny fiainam-bavaka izany fotoana izany. Ny tantaram-piainany voatokana ho an'Andriamanitra dia niteraka faniriana tao am-pon'ny mpino maro namakivaky ny taonjato nifandimby hampiomana ny fony "hianatra ny lalan'i Jehôvah ka hankato izany. "
Masina sady tsara ireo antony nampirehitra ny fon'i Ezra. Nampiseho fitiavana lalina ny fanahy tamin'izay rehetra nataony izy. Ny fangoraham-po sy ny fitiavana nasehony tamin'ireo nanota an-tsitrapo na tsy fanahy iniana, dia tokony hanome lesona koa an'ireo izay niitady hanao fanavaozana. (...)
Tsy azo alefahina na ampitomboina ny lalan'Andriamanitra. Araka izay maha-izy azy ihany no hijanonany ho izy. Masina, marina, tsara, sy tanteraka ho azy lalandava izy, ary hijanona ho izany mandrakizay.(...)
Tokony hiomana amin'ilay oram-baratra efa madiva hisafoaka sy hanampoka azy amin'ny fomba mahatsiravina ny Kristianina. Ary amin'izany fiomanana izany dia ilaina ny fandinihana lalina ny Tenin'Andriamanitra sy ny fiainana mifanaraka amin'ny fitsipiny. Mitaky zavatra hafa noho ny fivavahana noforonin'ny saina, natao tamin'ny teny sy ny fombafomba fotsiny izay tsy misy fahamarinana ilay fiafarana mahatahotra ho amin'ny mandrakizay. (….)
Raha niseho ho vavolombelona tsara tokoa ireo olo-masin'ny Testamenta Taloha, nahoana ireo nandray ny fahalalana voangona nandritra ny taonjato maro no tsy hijoro ho vavolombelona mamirapiratra kokoa hatrany ho an'ny fahamarinana?
Avelantsika hampianatra antsika momba ny fomba tokony hampiasana ny fahalalana ananantsika momba ny Soratra Masina ve ny ohatra nasehon’i Ezra? Tokony hanosika antsika hanompo ny Tompo amin’ny fontsika sy ny saintsika ary ny herintsika rehetra ny fiainan'io mpanompon'Andriamanitra io. Samy manana ny asa izay nanendrena antsika avy isika, ary amin'ny alalan’ny ezaka nohamasinina irery ihany no hahatontosa izany. Tsy maintsy milofo hahafantatra ireo zavatra takin'Andriamanitra aloha isika, ary avy eo dia hampihatra izany eo amin'ny fiainana. Rehefa izany dia afaka hamafy ny fahamarinana isika, izay hitondra vokatra ho amin'ny fiainana mandrakizay.CC,t. 260.