August 2025

LESONA 9: MIAINA ARAKA NY LALÀNA - Ny drafitr’Andriamanitra tany am-boalohany.

NY DRAFITR'ANDRIAMANITRA TANY AM-BOALOHANY

Vakio ny Eks. 23:20-33. Inona ny fomba fiasa tian'Andriamanitra nampiasaina mba hahazoan'izy ireo ny Tany Nampanantenaina?

Tsy fikasan'Andriamanitra ny hiadian'ny Isiraelita mba hahazoany ny taniny vaovao; fa natao homena azy ireo izany. Nampanantenaina an'i Abrahama sy i Isaka ary i Jakoba izany ary, tokony ho noraisina ho fanomezana manokana avy amin'Andriamanitra ho an'ny Isiraely.

LESONA 9: MIAINA ARAKA NY LALÀNA - Lalàna hafa koa.

LALÀNA HAFA KOA

Noho ny famindrampony dia nampianatra ireo mpitsara ny fomba fitondrana ny olona amin'ny toe-javatra samy hafa Andriamanitra, momba ny zon'ny tompom-pananana. Voatanisa amin'izany ny momba ny tranga maromaro; ohatra: ny tokony hatao raha manoto ny ombin'ny namany ny ombin'ny olona iray, na raha nisy olona nangalatra biby fiompy ka nivarotra izany.

LESONA 9: MIAINA ARAKA NY LALÀNA - Ireo lalàn’ny fanekena.

IREO LALAN'NY FANEKENA

Rehefa nanome ny lalàny tao Sinay Andriamanitra, dia nametraka fototra mba hampianarana ny vahoakany mikasika ny fomba mety hananan'izy ireo fiainana masina amin'ny alalan'ny fifandraisana Aminy. Kanefa natao hampiharina teo amin'ny fiainana andavanandro ireo fitsipiky ny lalàna, koa nanome lalana fanampiny azy ireo Andriamanitra, ilay antsoina hoe "Bokin'ny lalàna". Anjaran'ny mpitsara ny miandraikitra sy manara-maso ny fampiharana ireo lalàna ireo araka ny tokony ho izy.

LESONA 9: MIAINA ARAKA NY LALÀNA - Ireo lalàn’ny fanekena.

IREO LALÀN'NY FANEKENA

Rehefa nanome ny lalàny tao Sinay Andriamanitra, dia nametraka fototra mba hampianarana ny vahoakany mikasika ny fomba mety hananan'izy ireo fiainana masina amin'ny alalan'ny fifandraisana Aminy. Kanefa natao hampiharina teo amin'ny fiainana andavanandro ireo fitsipiky ny lalàna, koa nanome lalana fanampiny azy ireo Andriamanitra, ilay antsoina hoe "Bokin'ny lalana". Anjaran'ny mpitsara ny miandraikitra sy manara-maso ny fampiharana ireo lalàna ireo araka ny tokony ho izy.

Lesona 8: LESONA 8: NY FANEKENA TAO SINAY - Fianarana fanampiny.

FIANARANA FANAMPINY

Vakio "Ny namakiana ny lalàna tao Sinay" ao amin'ny PM (ed. 2014), tt. 287-296 sy ny toko faha-29 "I Satana sy ny Lalàn'Andriamanitra."

"Nokendren Andriamanitra ny hahatonga ny fanononany ny Lalana ho toe-javatra lehibe sy mahatahotra; nampisy lanja ny toetra be voninahitry ny lalana izany. Nataony izay hahatsapan'ny olona izany ka izay rehetra mifandraika amin'ny fanompoana Azy dia tsy maintsy hatao amin'ny fanajana lehibe indrindra." - PP, 1. 303.

LESONA 9 : MIAINA ARAKA NY LALÀNA - Fampidirana

Hodinihina mandritra ny herinandro: Eks. 21:1-32, Eks. 22:16-23:33, 2 Mpanj. 19:35, Mat. 5:38-48, Rom. 12:19, Mat. 16:27.

Tsianjery:

"Ary hoy Jehôvah tamin'i Mosesy: Izao no lazaonao amin'ny Zanak'Isiraely: Hianareo efa nahita fa tany an-danitra no nitenenako taminareo. Koa aza manao andriamanitra volafotsy na andriamanitra volamena ho anareo ho fanampiko." - Eks. 20:22,23.