"Iza no tsy mahalala, raha mandinika ireny rehetra ireny, fa ny nanao izany dia ny tànan'i Jehovah, izay mitana ny ain'ny zava-manan’aina rehetra sy ny fofonain 'ny olombelona rehetra?" Jôba 12:9,10.
"Aoka hidera ny anaran’i Jehovah ireo; fa Izy no nandidy, dia ary ireo. Nampitoetra ireo ho mandrakizay doria Izy; Nomen-dalàna ireo ka tsy mba mihoatra." — Sal. 148:5,6.
"Mihirà fiderana ho an 'i Jehovah; Mankalazà an 'Andriamanitsika amin'ny lokanga, izay manaron-drahona ny lanitra, Izay mamboatra ranonorana ho amin'ny tany, Izay mampaniry ahitra ny tendrombohitra." — Sal. 147:7,8.
"Iza moa no nihady lalan-drano ho an 'ny ranonorana mirotsaka be, sy lalan-kaleha ho an 'ny helatry ny kotrokorana, handatsaka ranonorana ambonin'ny tany izay tsy itoeran'olona, dia any amin'ny efitra tsy misy mponina, mba hahavonto ny efitra sy ny tany foana, ary hampitsimoka ny ahitra vao mitsiry?" — Jôba 38:25-27.
"Iza no namatra ny rano teo am-pelatanany, ary nanjehy ny lanitra tamin'ny zehiny, sy namory ny vovo-tany tamin'ny vata, ary nandanja ny tendrombohitra tamin'ny fandanjana sy ny havoana tamin'ny mizana?" Isa. 40:12.
"Inona moa ny olona, no ahatsiarovanao azy? Ary ny zanak'olombelona, no amangianao azy? Fa efa nataonao ambany kely noho Andriamanitra izy, ary efa nosatrohanao voninahitra sy fiandrianana." — Sa1. 8:4,5.
"Manopy ny masoko ho amin'ny tendrombohitra aho; avy aiza ny famonjena ahy? Ny famonjena ahy dia avy amin'i Jehovah, Mpanao ny lanitra sy ny tany." — Sal. 121:1,2.
