September 2025

LESONA 13 : NY TABERNAKELY - Ny sabatan’i Jehôvah.

NY SABATAN’I JEHÔVAH

Na manao ahoana na manao ahoana ny fiheveran-dison'ireo mpanohitra ny Sabata andro fahafito, fa natao ho an'ny Jiosy ihany ny Sabata (notahina sy nohamasinina tao Edena ny andro fahafito [jereo ny Gen. 2:1-3]), na milaza aza izy ireo fa tao Sinay no nandrenesan'ny Jiosy momba izany voalohany, izay tsy marina (satria efa nitandrina ny Sabata talohan'ny tranga teo Sinay ny Jiosy [jereo ny Eks. 16:22-29])-dia tsy misy isalasalana fa ampahany lehibe tamin'ny fiainan'ny vahoaka hebreo hatrany am-boalohany ny Sabata.

LESONA 13 : NY TABERNAKELY - Fampidirana.

Hodinihina mandritra ny herinandro: Eks. 35:1-36:7; Gen. 1:1; Eks. 36:8-39:31; Heb. 7:25; Eks. 40:1-38; Jao 1:14.

Tsianjery:

"Ary ny rahona nanarona ny trano-lay fihaonana, ary ny voninahitr'i Jehôvah nameno ny tabernakely. (...) Fa ny rahon'i Jehôvah dia teo ambonin'ny tabernakely nony andro, ary nisy afo teo aminy nony alina, teo imason'ny taranak'Isiraely rehetra, tamin'ny nandehanany rehetra." -Eks. 40:34,38.

LESONA 12 : MBA AMPAHITAO NY VONINAHITRAO AHO - Namirapiratra ny tavan’i Mosesy.

NAMIRAPIRATRA NY TAVAN'I MOSESY

Vakio ny Eks. 34:29-35. Inona no nahatonga ny tavan'i Mosesy hamirapiratra?

Rehefa avy nampiseho ny toetrany be fitiavana tamin'i Mosesy Andriamanitra, dia nidina teny amin'ny tobin'ny Isiraely i Mosesy, ary namirapiratra ny tavany. Fantatr'i Mosesy ve tamin'ny voalohany fa namirapiratra ny tavany? Tsia, tsy fantany mihitsy. Arakaraka ny anakaikezan'ny olona iray an Andriamanitra no ahatsapany ny tsy fahatanterahany raha oharina amin'ny fahamasinan’Andriamanitra.

LESONA 12 : MBA AMPAHITAO NY VONINAHITRAO AHO - Mba ampahitao ny voninahitrao aho.

"MBA AMPAHITAO NY VONINAHITRAO AHO"

Taorian'ilay fihemorana tamin'ny nanaovan'ny Isiraelita ombilahy kely volamena, dia nanao fanelanelanana ho an'ny vahoakan' Andriamanitra i Mosesy ary naniry ny hahazo antoka fa mbola hanohy hitarika azy ireo hatrany amin'ilay Tany Nampanantenaina Andriamanitra. Niriny fatratra tao am-pony koa ny hahalala bebe kokoa an'Andriamanitra.

Vakio ny Eks. 33:18-23. Ahoana ny fomba namalian' Andriamanitra ny fangatahan'i Mosesy ny mba hahita ny Voninahiny?