"Ary izao zavatra ary rehetra izao, na izay any an-danitra, na izay ety ambonin'ny tany sy any ambanin 'ny tany, (…) dia reko samy nanao hoe: Ho an 'Ilay mipetraka eo ambonin'ny seza fiandrianana sy ho an 'ny Zanak 'ondry anie ny saotra sy ny haja sy ny voninahitra ary ny fanjakana mandrakizay mandrakizay." Apôk. 5:13.
"Dia aoka hahalala, eny, aoka hiezaka hahalala an 'i Jelmah isika; mahatoky toy ny maraina ny fiposahany, dia ho avy amintsika toy ny ranonorana mivatravatra Izy, sy toy ny fara-orana izay mahavonto ny tany." – Hôs. 6:3
« Izaho no mofo velona izay nidina avy tany an-danitra; raha misy mihinana ity mofo ity, dia ho velona mandrakizay izy; ary ny mofo izay homeko dia ny nofoko ho fiainan 'izao tontolo izao. »– Jao. 6:51
"Ary raha mihaino ireo fitsipika ireo hianareo ka mitandrina sy manaraka azy, dia hotanterahin’i Jehovah Andriamanitrao aminao ny fanekena sy ny famindrampo, izay nianianany tamin'ny razanao." – Deo. 7:12.
"Nohamaroinao ny fahagaganao sy ny hevitrao izay nataonao ho anay, Jehovah Andriamanitra ô. Tsy misy azo ampitahaina Aminao. Raha tiako hambara sy holazaina ireny, dia indro, maro loatra izy ka tsy tambo isaina." – Sal. 40:5.
"Koa raha misy famporisihana ao amin' i Kristy, raha misy fampiononana avy amin 'ny fitiavana, raha misy firaisana amin'ny Fanahy, raha misy famindrampo sy fiantrana, dia tanteraho ny fifaliako, mba hiraisanareo saina, miray fitiavana, miray fo, miray hevitra." –Fil. 2:1,2.
