Rehefa avy niresaka momba ny toetrantsika feno fangatsiahana i Jesosy, dia milaza amintsika fa tokony horesena izany. "Izay maharesy dia havelako hiara-mipetraka amiko eo ambonin'ny seza fiandrianako dia tahaka ny nandreseko kosa sy ny niarahako nipetraka amin'ny Raiko eo ambonin'ny seza fiandrianany. - Apôk. 3:21. Ho an'ny sasany amintsika, dia azo heverina fa izany no ady lehibe indrindra mety atrehina ny fahatsapana ny fahalementsika sy ny fiheveran-tenantsika ho zavatra, ny fandraisana ny fananarana ataon'i Jesosy, ny fibebahana, ary ny fandraisana ny akanjom-pahamarinana izay atafiny antsika.
Mahatalanjona ny fahafantaran'i Jesosy ny tsy firaihantsika sy ny toetsika matimaty nefa mbola ampitoviany Aminy hatrany isika (na tsy mba matimaty na oviana na oviana aza Izy). Hoy Izy: "Izay maharesy (...) tahaka ny nandreseko." - Apôk. 3:21. Satria maty hamonjy antsika i Jesosy, dia nandresy ny fahotana sy ny famaizana sahaza izany Izy. Takany ireo tolon'ny fahotana atrehintsika ary mampanantena ny hanampy antsika Izy.
Olona maro ao amin'ny Baiboly no namaly ny fanasan Andriamanitra azy mba hifandray Aminy ao anatin'ny fifandraisana miorina amin'ny fanekena. Izany no tantara na lohahevitra manerana ny Baiboly. Rehefa mijery ny sasany amin ireo olona ireo isika, dia mahita fa samy hafa ny fomba nifandraisan'Andriamanitra tamin'izy ireo, tamin'ny fotoana samy hafa.
Inona no ampianarin'ireto tantara ireto antsika momba ny fomba nifandraisan'Andriamanitra tamin'ny olorna samihafa, tao anatin'ny toe-javatra samy hafa?
Gen. 2:7; Gen. 3:8-10………………………..………………………..………………………..…………..
Gen. 5:24………………………..………………………..………………………..………………………..…
Gen. 6:13………………………..………………………..………………………..………………………..…
Gen. 12:1-4………………………..………………………..………………………..………………………..
Eks. 34:29………………………..………………………..………………………..………………………...
Na niara-nandeha mivantana tamin'ny zanany Andriamanitra, na niteny tamin'izy ireo fotsiny, ny marina dia efa hatrizay Izy no naniry hanakaiky ny olombelona. Na manao ahoana na manao ahoana ny fifandraisanao amin'Andriamanitra amin'izao fotoana izao, dia mbola maniry ny hanakaiky anao Izy. Tahaka izao no ilazan'ny Jer. 31:3,4 izany: "Tany lavitra any no nisehoan'i Jehovah tamiko ka nanao hoe: Fitiavana mandrakizay no nitiavako anao, koa izany no nampaharetako famindrampo ho anao. Mbola hanorina anao indray Aho, ka dia hiorina hianao."
Na vao manomboka ny andronao na efa hifarana, Andriamanitra dia mitady sy miandry anao, maniry ny hisintona anao hanakaiky Azy. Iriny ny hanorina - na hanorina indray - ny fifandraisanao Aminy. Raha tsy izany no mitranga, dia tsy avy Aminy ny olana, fa avy aminao.
Inona avy ireo zavatra eo amin'ny fiainanao amin'izao fotoana izao, izay raha tsy resena dia mety hanimba ny fifandraisanao amin'Andriamanitra?