Tsy voalaza an-tsipiriany ny fitsarana an'i Jesosy ao amin'ny Jao. 18:28-32. I Jesôsy nentina teo anatrehan'i Pontio Pilato no asongadina.
Vakio ny Jao. 18:33-38. Inona ny resaka nifanaovan'i Jesôsy sy i Pilato?
Manontany an'i Jesõsy ilay governora raha Izy no mpanjakan'ny Jiosy (Jao. 18:33). lo no voalohany niresahana momba io anaram-boninahitra io, kanefa tsy io no farany. Nanontany an'i Pilato i Jesôsy raha heviny manokana izany na nisy olon-kafa nilaza izany taminy. Mifantoka any amin'ilay governora izao ny fanontaniana; takany tokoa ve Iza no iresahany? Efa mahafantatra ny mpamaky fa i Jesõsy no Mpanjaka. Ary ilay governora?
Fanontaniana no namalian'i Pilato Azy: "Moa aho Jiosy? Ny firenenao sy ny mpisoronabe no nanolotra Anao tamiko; inona moa ny ataonao?" - Jao. 18:35. Niala ilay fanontaniana i Pilato; tsy te hamaly mazava ilay fanontanian'i Jesõsy izy. lo no dingana voalohany nanalaviran'ilay governora ny fahamarinana ka namelany ny hevitra mibahana mialoha hanampina ny masony.
Nilaza i Jesôsy fa tsy avy eto amin'izao tontolo izao ny fanjakany (Jao. 18:36). Ary dia nanao tsoa-kevitra i Pilato fa tsy nilaza ny tenany ho mpanjaka i Jesôsy (Jao. 18:37). lo no nitarika an'i Jesôsy hanome ilay fanazavana manan-danja fa ny hanambara ny marina no nahaterahany, ary izay rehetra "avy amin'ny marina" dia mihaino ny feony (Jao. 18:37)
Avy eo dia nanontany i Pilato hoe: "Inona no marina?" - Jao. 18:38, kanefa tsy niandry valiny izy fa nivoaka kosa, niezaka namonjy an'i Jesôsy tsy ho hazan'ny vahoaka.
Lohahevitra iray ao amin'ny filazantsaran'i Jaona ny fahamarinana. Amin'ny maha-Teny mandrakizay Azy (logos, Jao. 1:1-5), dia fahazavana sy fahamarinana i Jesôsy. Mifanohitra tanteraka amin'ny haizina sy ny fahadisoana izany. Feno fahasoavana sy fahamarinana i Jesôsy (Jao. 1:14). Tonga tamin'ny alalany ny fahasoavana sy ny fahamarinana (Jao. 1:17). Nanambara ny fahamarinana i Jaona mpanao batisa (Jao. 5:33). Nilaza i Jesôsy fa "marina" ny Rainy (Jao. 7:28). I Jesôsy mihitsy no nandre ny fahamarinana avy tamin'ny Rainy (Jao. 8:40), ary Izy no "lalana sy fahamarinana ary fiainana" - Jao. 14:6. Ny Tenin'Andriamanitra no "fahamarinana" (Jao. 17:17). Na dia nanontany aza i Pilato dia tsy nohararaotiny ny fotoana tokony ho nahafantarany ny marina, noho ny hevitra nibahana tao an-tsainy sy ny fanapahan-kevitra efa noraisiny, ary noho ny tsindry nahazo azy.
Ahoana no fahatakaranao izany hoe i Jesôsy no fahamarinana?