"Ary aza manaraka ny fanaon'izao tontolo izao; fa miova amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina." - Rom. 12:2.
Mofon’aina:
Tsy mampirisika ny mpanara-dia Azy 1 hanao voady hampifamatotra azy amin'ireo izay tsy manana fifandraisana amin'Andriamanitra velively i Kristy. (...)
Misy hantsana lehibe mampisaraka ny olon'izao tontolo izao sy ny olona izay manompo an'Andriamanitra amim-pahatokiana. Mifanohitra ny fisainana aman'eritreriny ny amin'ireo lohahevitra manan-danja indrindra momba an'Andriamanitra, ny fahamarinana, ary ny mandrakizay. Ny iray mihamatoy toy ny vary hangonina ao an-tsompitr'Andriamanitra, ary ny iray kosa toy ny tsimparifary izay hodorana amin'ny afo fandringanana. Ahoana no mety hiraisan'ireo roa ireo tanjona sy asa amin'izany? (...)
Tokony hitandrina isika mba tsy hanana fisainana manavakavaka na tsy mandefitra. Aoka isika tsy haneho fihetsika mihatakataka amin'ny hafa, toa milaza hoe: «Aza manatona ahy, fa masina noho ianao aho». (...) Tokony hanao izay ampitana aminy ny fahamarinana sarobidy izay efa nandraisan'ny fontsika fitahiana kosa isika. (...) Raha Kristianina isika, manana ny toe-tsain'Ilay maty mba hamonjy ny olona amin'ny fahotany, dia ho tia ny fanahin'ny namantsika, ka ny fanatrehantsika sy ny hery miasa mangina avy amintsika dia hitaona azy hiala amin'ny fanaranam-po amin'ny fahotana. (...) Tokony hiorina mafy ao amin'ny faharesen-dahatra isika fa na inona na inona miala amin'ny rariny sy ny fahamarinana eo amin'ny fifandraisana sy ny fiarahantsika miasa amin'ny olona, dia tsy mety hahasoa antsika izany, ary manala baraka an'Andriamanitra tokoa. (...)
Rehefa vonona hanao fatiantoka ny zavatra rehetra ny olona mba hahazoany an'i Kristy, dia hisokatra ny masony hahita ny toe-javatra araka ny maha-izy azy marina. Amin'izay dia hiala amin'ny zavatry ny tany ny fisainany ka hitodika any amin'ny zavatry ny lanitra. (...)
«Ho rakitra soa hoAhy ireny amimny andro izay hotendreko, hoy Jehovah, Tompon>ny maro» amin'izay mankato, «ary ho antra azy Aho toy ny olona antra ny zanani-lahy izay manompo azy. Ka dia ho hitanareo indray ny tsi-fitoviamny marina sy ny meloka, dia ny manompo an'Andriamanitra sy ny tsy manompo Azy.» - Mal. 3:17,18. — RH, 25 Aogositra 1910.