February 2024

Hodinihina mandritra ny herinandro: Sal. 78; Sal. 105; Gal. 3:29; Sal. 106; Sal. 80; Nom. 6:22-27; Sal. 135.

Tsianjery: "Izay efa rentsika sy fantatsika, ary nambaran'ny razantsika tamintsika, dia tsy mba hafenintsika amin'ny zanany; fa hambarantsika amin'ny taranaka ho avy ny fiderana an'i Jehovah sy ny heriny ary ny fahagagana izay efa nataony." - Sal. 78:3,4.

Vakio ny "Amintsika Andriamanitra", toko 1 ao amin'ny IFM. Sady vavaka ataon'i Kristy ny Salamo no vavaka momba an'i Kristy. Ao amin'ny Salamo no ahitana fanambarana miavaka momba Azy sy ny asa fanavotana nataony amin'ny maha llay "Amintsika Andriamanitra" Azy (Mat. 1:23). I Jesôsy llay Andriamanitra "Amintsika" ao amin'ny vavaka mitolona amin'ny fahatsapana ho nafoy sy ny fahoriana. Izy ilay "Amintsika Andriamanitra" ao anatin'ny fitalahoana rariny sy fanafahana.

Vakio ny Sal. 110:4-7. Ahoana no mampiavaka ny fisoronan'i Kristy, ary inona ny fanantenana lehibe hitantsika ao amin'ny asa fisoronana ataony any an-danitra?

Vakio ny Sal. 2; Sal. 110:1-3; Sal. 89:4, 13-17; ary ny Sal. 110:1, 2, 5, 6. Inona no ampianarin'ireo andalan-teny ireo antsika momba an'i Kristy amin'ny maha-Mpanjaka Azy?

Vakio ny Sal. 89:27-32, 38-46 sy ny Sal. 132:10-12. Momba ny inona ny fanekena nataon'Andriamanitra tamin'i Davida? Inona no nahatonga izany hotandindomin-doza?

Vakio ny Sal. 22 sy ny Sal. 118:22. Tonga tety ny Mesia mba hamonjy ny olona, ahoana anefa no nandraisan'izy ireo Azy?

Vakio ny Sal. 23; Sal. 28:9; Sal. 80:1; Sal. 78:52,53; Sal. 79:13 ary ny Sal. 100:3. Ahoana no anehoana ny fifandraisan'Andriamanitra sy ny olony ao amin'ireo andalan-tSoratra Masina ireo?

Hodinihina mandritra ny herinandro: Sal. 23; Jao. 10:11-15; Sal. 22; Sal. 89:27-32; Kôl. 1:16; Sal. 2; Heb. 7:20-28.

Tsianjery: "Ny vato izay nolavin'ny mpanao trano no efa tonga fehizorom Indrindra. Avy tamin'i Jehovah izany ka mahagaga eo imasontsika." - Sal. 118:22,23.

Toa tsy dia tadiavin'ny olona loatra mihoatra noho ny fahasambarana ny fahendrena ankehitriny. Aleon'ny olona ho sambatra toy izay ho hendry. Mety ho sambatra sy ho afa-po marina ve isika kanefa tsy manana fahendrena avy any ambony? Mazava ny ambaran'ny Salamo fa tsia. Izao no vaovao mahafaly: tsy asaina misafidy amin'ireo roa ireo isika. Ny fahendrena avy amin'Andriamanitra mantsy no mitondra ny fahasambarana marina.

Vakio ny Sal. 1:1-3, Sal. 112:1-9, sy ny Sal. 128.