March 2024

MANIRY FATRATRA AN’ANDRIAMANITRA ANY ZIONA

Hodinihina mandritra ny herinandro: Sal. 84; Ap6k. 21:3; Sal. 122; Sal. 87; Gal. 3:28,29; Mat. 28:18-20; Sal. 46; Sal, 125.

Tsianjery: “Manina sady vonton’alahelo ny kianjan’i Jehovah ny fanahiko; ny foko sy ny nofoko mihoby an’Andriamanitra velona.” - Sal. 84:2.

Ao amin’i Kristy ny hery

“(...) aoka hifikitra amin'ny heriko kosa izy ka hihavana amiko; eny, aoka hihavana amiko izy.” - Isa. 27:5b.

Tsy hain’ny fahavalo resena na ny malemy indrindra amin’ny mpianatr’i Kristy aza, dia izay mitolona amim-bavaka eo anatrehan’ny Tompo. Misalovana i Kristy ho fialofana sy fiarovana azy amin’ny fanafihan’ilay ratsy. Ity ny teny fikasana: “Fa raha avy toy ny ony ny fahavalo, ny Fanahin’i Jehovah hanangana faneva hisakanana azy.” (Isa. 59:19; jereo ny naoty etsy ambany ao amin’ny Baiboly)