July 2024

FIANARANA FANAMPINY

Vakio ny IFM, toko 28: "Levy Matio", sy ny toko 29: "Ny Sabata".
"Rehefa nanontaniana Jesoôsy hoe: 'Mety ve ny manasitrana amin'ny andro Sabata? dia novaliany hoe: 'Iza moa no olona ao aminareo, raha manana ondry anankiray, ka latsaka any an-kady amin'ny Sabata, no tsy handray azy sy hampakatra azy? Ary tsy mihoatra lavitra noho ny ondry va ny olona? Koa amin'izany dia mety ny manao soa amin'ny Sabata' - Mat. 12:10-12.

TANTARA MIFANOSONA : FIZARANA 2

Vakio ny Mar. 3:20,21. Inona no nahatonga ny fianakavian'i Jesôsy hihevitra Azy ho very saina?

Ny filazana olona iray ho very saina dia teny henjana tokoa. Efa tsy miaro ny ain'ny tenany intsony ilay olona matoa tonga amin'izany tsoa-kevitra izany. Izany no tsapan'ny fianakavian'i Jesôsy momba Azy satria hitany sahiran-doatra Izy ka tsy niato mba hihinan-kanina. Rehefa tapa-kevitra ny haka Azy ny havan'i Jesôsy, dia teo no nisosoka ny tantaran'ireo mpanora-dalána izay nanameloka an'i Jesôsy ho mpiray tsikombakomba amin'ny devoly.

TANTARA MIFANOSONA : FIZARANA 1

Vakio ny Mar. 3:20-35. Inona no ifandraisan'ireo tantara roa voalaza ao ireo?

Io andalan-tSoratra Masina io no "sandwich story" (tantara mifanosona) voalohany ao amin'ny Marka: manomboka amin'ny tantara iray aloha ny mpanoratra, avy eo dia misy tantara faharoa asosony, izay vao faranany ilay tantara voalohany.

ILAY TOMPON'NY SABATA

Melohin'ny Fariseo ho mpandika ny Sabata ny mpianatra ao amin'ny Mar. 2:23,24. Araka ny lalana jiosy dia misy 39 ireo karazana asa voarara amin'ny andro Sabata, ka araka ny fijerin'ny Fariseo dia anisan'izany ny nataon'ny mpianatra.

Vakio ny Mar. 2:23-28. Ahoana no namalian'i Jesôsy ny fanamelohana nataon'ny Fariseo?

NY FANASITRANANA ILAY MARARIN'NY PARALYSISA

Vakio ny Mar. 2:1-12. Inona no notadiavin'ilay mararin'ny paralysisa raha nentina ho eo amin'i Jesôsy izy? Ary inona no azony?

Malemy tsy afa-mihetsika ity lehilahy ity, koa ny namany efa-dahy no tsy maintsy nitondra azy ho eo amin'i Jesôsy. Rehefa nanongotra ny tafon-trano izy ireo mba hampidinana ny namany marary marary h ho amin'i Jesôsy, dia hitan'i Jesôsy eo ny finoan'ireo, araka ny voalaza ao amin'ny Mar. 2:5. Mety ho hita maso ve ny finoana? Tahaka ny fitiavana dia hita amin'ny asa atao izany. Eto dia hita mazava ny fikirizan'ireto namany efa-dahy ireto.

Ny fomba tokana hahazoana fandresena.

« Aoka tsy hiala amin’ny vavanao ity bokin’ny lalàna ity, fa saintsaino andro aman’alina, hitandremanao hanao araka izay rehetra voasoratra eo; ary amin’izany dia hahalavorary ny lalanao hianao sady hambinina. »Jos. 1:8. 

Mofon’aina:   
Rehefa mandeha eo amin’ny lalana izay nosoritan’Andriamanitra ho azy ny olona, dia hahita mpanolo-tsaina izay manana ny fahendrena ambony lavitra noho ny fahendren’olombelona izy. I Josoa dia mpitari-tafika hendry satria Jehovah no mpitarika azy. Ny sabatra voalohany nampiasainy dia ny sabatry ny fanahy, Tenin’Andriamanitra (...)

Rahona sy afo

« Namelatra rahona ho fialokalofana Izy ary afo ho fanazavana nony alina. »Sal. 105:39.

FIFANOHERANA

Hodinihana mandritry ny herinandro:
Mar. 2:1-3:6, Mika 6:6-8, 1 Sam. 21:1-6, Mar. 3:20-35, Lio. 12:53, Lio. 14:26.

Tsianjery: 

"Ary hoy Izy taminy: Ny Sabata no natao ho an'ny olona, fa tsy ny olona ho an'ny Sabata; ka dia Tompon'ny Sabata aza ny Zanak'olona." Mar. 2:27,28.