October 2024

Kristy: Ohatra iray tonga lafatra ho an'ny rehetra

 "Ary Jesôsy nitombo saina sy tena sady nandroso fitia tamin 'Andriamanitra sy ny olona." - Lio. 2:52 

Mofon'aina:
Efa lavo ny olombelona. (...) Simban'ny fironany izy ary nihena ny heriny noho ny tsy fankatoavany, ka manjary tsy misy azony antenaina afa-tsy fahoriana sy fahatezerana mirehitra. Nanoritra lalana hialana amin'izany anefa Andriamanitra (...) ary hoy Izy amin'ny olona rehetra: "Koa amin'izany aoka ho tanteraka hianareo." (...)

Mazava sy mamiratra

 "Ary ho rakitra soa ho Ahy ireny amin'ny andro izay hotendreko, hoy Jehôvah , Tompon'ny maro, ary ho antra azy Aho toy ny olona antra ny zanani-lahy izay manompo azy." - Mal. 3:17. 

Mofon’aina:
Vatosoa sarobidin'i Kristy ny Kristianina, novidiny tamin'ny vidiny tsy manam-petra. Natao hamirapiratra ho Azy izy ireo, hampiely ny fahazavan'ny fahatsarany. Ary tsy azony hadinoina fa ny famirapiratana rehetra eo amin'ny toetra kristianina dia noraisiny avy amin'Ilay Masoandron'ny fahamarinana.

Ny hevitry ny firaisana amin'Andriamanitra

"Izay efa hitanay sy renay no ambaranay aminareo, mba hahazoanareo firaisana aminay koa; ary ny firaisanay dia amin'ny Ray sy amin'i Jesôsy Kristy Zanany." - 1 Jao. 1:3. 

Mofon’aina:
Ny firaisana amin'Andriamanitra no ain'ny fanahy. Haintsika ny manazava izany amin'ny fomba kanto sy amin'ny teny tsara rindra, saingy ilay fanandramana iainana izay mampisy lanjany ny tenintsika no ilaina. (...)

Manomboka eto an-tany ny fanompoana an'Andriamanitra 

"Mba ho hita ho fiderana sy voninahitra ary fankalazana ny fizahan-toetra ny finoanareo (izay tsara lavitra noho ny volamena mety ho simba , na dia voazaha toetra tamin'ny afo aza, dia amin'ny hisehoan’i Jesôsy Kristy." - 1 Pet. 1:7. 

Mofon’aina:
Tsy maintsy iharan'ny sazin'ny fandikan-dalàna izay miasa   manohitra ny lalàn'ny zavaboary. Nefa miantra antsika ny Mpamonjy na dia ny vokatry ny toetra ratsintsika ihany aza no mankarary antsika. Misy hery mahasitrana antsika ao Aminy. (…) 

Tokim-pamonjena ao anatin'ny ady

 "Fa ankehitriny, ry Jakoba ô, izao no lazain'i Jehôvah , Izay nahary anao sady namorona anao, ry Isiraely ô: Aza matahotra hianao, fa efa nanavotra anao Aho; efa niantso ny anaranao Aho, Ahy hianao. " - Isa. 43:1. 

Mofon’aina: