March 2026

Lesona 12 : MIARA-MONINA - Fampidirana.

Hodinihana mandritry ny herinandro: Kol. 3:18-4:6; Efes. 5:22-25,33; Ohab. 22:6,15; 1 Pet. 2:16; 1 Tes. 5:17.

Tsianjery:

"Aoka ny fiteninareo ho amin'ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra." Kol. 4:6

Rojom-bavaky ny mpino

 «Farany, ry rahalahy, mivavaha ho anay, mba handehanan'ny tenin'ny Tompo faingana ka hankalazaina toy ny eo aminareo.» - 2 Tes. 3:1.

Mofon’aina:
Tokony hisy fotoam-bavaka matetika eo anivon'ny   vahoakan'Andriamanitra amin' izao andro izao, dia vavaka mafana vokatry ny fo. Tokony hatao mandrakariva izay hananana toe-tsaim-bavaka. Aoka hitolona amim-bavaka na any an-tokantrano na any am-piangonana, ho an'ireo izay nanokana ny tenany hitory ny Teny filazantsara. Aoka ny mpino hivavaka tahaka ireo mpianatra taorian'ny niakaran'i Kristy ho any an-danitra.

Fiaraha-mivavaka ahazoam-pitahiana

 "Ary tamin 'izany izay natahotra an 'i Jehovah dia samy niresaka tamin 'ny namany avy; ary Jehovah nihaino ka nandre izany; ary nisy boky nosoratana teo anatrehany ho fahatsiarovana izay matahotra an 'i Jehovah sy mihevitra ny anarany." - Mal. 3:16.

Ny fivoriam-bavaka, fotoana sarobidy

 "Ary lazaiko aminareo koa: Raha misy roa aminareo mifanaiky eto ambonin'ny tany na amin 'inona na amin 'inona ka hangataka izany, dia ho azony avy amin'ny Raiko Izay any an-danitra izany. Fa na aiza na aiza no iangonan 'ny roa na telo amin 'ny anarako, dia ao afovoany Aho. " Mat. 18:19,20.

Vavaka ao an-tokantrano

"Ary mivavaha mandrakariva ao amin'ny Fanahy amin'ny fivavahana rehetra sy ny fangatahana, ka miambena amin 'izany amin 'ny faharetana ,sy ny fangatahana rehetra ho an 'ny olona masina rehetra." – Efes. 6:18.

Mofon’aina:
Raha misy fotoana tokony maha trano fivavahana ny tokantrano tsirairay, dia ankehitriny izany. ( ...)

 Kanefa, amin'izao andro feno loza mahatahotra izao, dia mbola misy amin'ireo mitonona ho Kristianina no tsy manana alitara ao an-tokantranony. (...)

Lesona 11: FIAINANA MIARAKA AMIN'I KRISTY - Fianarana fanampiny.

Rehefa mitarika ny saina sy ny fon'ny olona ny Fanahin Andriamanitra, dia misy hira vaovao hisandratra ny teny fikasana nataony taminy Andriamanitra, ka voavela ny helony, avy amin'ny fanahiny, satria tsapany fa nanatontosa ary voaisotra ny fahotany. Naneho ny fibebahany noho ny nandikany ny didin Andriamanitra ny olona níova fo, ka manambara ny finoany an'i Kristy izay maty ho fanamarinana ny mpanota: «Koa amin'izany, satria efa nohamarinina tamin'ny finoana isika, dia aoka isika hanana fihavanana amin'Andriamanitra amin'ny alalan'i Jesôsy Kristy Tompontsika». Rôm. 5:1

Lesona 11: FIAINANA MIARAKA AMIN'I KRISTY - Fiainam-baovao.

Hita mazava ao amin'ny andininy farany ao amin'ny Kol. 3 ny fanahian'i Paoly ny amin'ny fiadanana sy ny filaminana ao am-piangonana. Efa nisy tsipiriany sasantsasany hitantsika momba ny fiadanan’ Andriamanitra (jereo ny lesona 7). Tsy tahaka ny pax Rômana, ny pax Christi dia tsy fiadanana terena avy ety ivelany fa manapaka antsika avy ao anatiny. Tsy mety hitranga izany raha tsy i Kristy no mifehy.

Vakio ny Kol. 3:16,17. Inona no tena mahatonga an'i Kristy ho afaka mifehy, ary inona no anjara asan'ny mozika amin'izany rehetra izany?