May 2026

"Ny fitiavana no fototry ny toe-panahy araka an'Andriamanitra. Na inona na inona fanekem-pinoana, tsy misy olona manana fitiavana madio anAndriamanitra raha tsy manam-pitiavana tsy ombam-pitiavan-tena ny rahalahiny izy. Nefa tsy ho azontsika na oviana na oviana io toe-tsaina io amin'ny fiezahantsika ho tia ny hafa. Ny ilaina dia ny fitiavan7 Kristy ao am-po. Rehefa levona ao aminy Kristy ny 'izaho', dia miposaka ho azy ny fitiavana." – HF, t. 400, ed. 2004.

Isika rehetra dia samy efa nihozongozona, na tsy nahatoky, na matimaty teo amin'ny fiarahantsika mandeha amin'Andriamanitra. Inona no nampiverina anao ho amin'ny fifandraisana lalina Aminy?

Ahitana hafatra kanto momba ny fitondran'Andriamanitra ny olony miverina Aminy ao amin'ny Zak. 10.

Vakio miadana io toko io izao ary soraty ireo hevi-dehibe ao.

Maro no mahalala tsara ny fangirifiriana sy ny alahelo noho ny fananana zanaka izay mifidy ny hiala amin'ny Tompo — na dia notezaina tao anatin'ny tokantrano mafy orina ara-panahy aza.

 I Efraima, firenena nofidin'Andriamanitra, dia naniasia niala tamin'ny Tompo. Inona no Iazain'ny Hôs. 4:17 sy ny Hos. 7 amintsika momba ny fahotan'i Efraima?

Ny fanontaniana ho antsika tsirairay dia izao: Iza no itorianao an'i Jesosy — mpiasan'ny paositra ve, sa mpivarotra, sa olona iray hitanao isan'andro eny an-dalana? Miantso ny mpino rehetra Andriamanitra mba hanampy Azy amin'izany asa izany, ary manome toky Izy fa hanome anao "hahaizako manao teny hampahatanjaka izay reraka" - Isa. 50:4. Adidin'ny Kristianina koa ny ho vonona mandrakariva hamaly tsara izay rehetra manontany azy ny amin'ny finoana sy ny fanantenana ao anatiny ("apologie") (1 Pet. 3:15).

Efa nametra-panontaniana ve ianao hoe Iona no mahatonga an'i Jesôsy ho feno zoto mandrakariva ka miasa, manasitrana, mampahery, mitoriteny, ary mampianatra olona marobe isan'andro vaky? Voalaza fa "nony nahita ny vahoaka i Jesôsy, dia nahonena Azy ny fijeriny ireo, satria nampahantraina ireo ka nafoy toy ny ondry tsy misy mpiahy." - Mat. 9:36. Ny fitiavany sy ny fangorahany ny olombelona no nahatonga Azy hiasa. Toy izany koa, ny fitiavan'i Kristy ao anatintsika dia tokony hanery antsika handray am-po ny fitaomana ny fanahy ho eo Aminy sy ny fahamarinany (2 Kôr. 5:14).

Vakio ny amin’ilay iraka lehibe voalaza ao amin'ny Mat. 28:18-20. Soraty ireo hafatra samy hafa tian'i Jesôsy ambara rehefa milaza Izy hoe «rehetra» na «mandrakariva» (izay voambolana iray ihany amin'ny teny grika, pas).

Hodinihina nandritra ny herinandro: Mat. 28:18-20; 2 Pet. 3:18; 1 Pet. 3:8-15; Hôs.7; Zak. 10.
 

Tsianjery :
"Jehôvah Tompo no nanome ahy ny lelan'ny efa mahay, mba hahaizako ma nao teny hampahatanjaka izay reraka; ampandrenesiny isa-maraina isa-maraina, eny ampandrenesiny ny sofiko hihaino tahaka ny efa mahay."– Isa. 50:4. 

Tsy mora ny herinandro nolalovan'ireo mpianatr'i Jesôsy roa.

Alao sary an-tsaina ny vahoaka betsaka teo amoron-dranomasin'i Galilia. Niandry ny hiverenan'i Jesosy teo izy ireo, hatry ny vao mangiran-dratsy, ary rehefa nidina avy ao an-tsambokely i Jesôsy dia nifanizina nanodidina Azy izy ireo ka nanaraka Azy hatrany an-tananan'i Kapernaomy. Tampoka teo, dia indro i Jairo, mpanapaka iray tao amin'ny synagoga, nanatona an'i Jesôsy ary niangavy Azy mba hiaraka aminy hanasitrana ny zanany vavy.