Mahatonga fisaintsainana momba ny farany ny bokin'ny Apokalipsy. Ny momba ny ady ifanandrinan'ny Jesosy sy Satana no ivon'io boky io. Verin'i Satana ara-dalàna ny fahefany teto an- tany ary manenjika ireo izay mitoetra ho mahatoky amin' Andriamanitra izy ankehitriny. Ny fiverenan'i Jesôsy hanafaka ny zanany no mamarana ny boky, dia ireo zanany marina mbola velona sy ireo mahatoky izay maty hatramin'ny fahalavoan'i Adama sy i Eva. Manambara amintsika ny fandringanana an'i Satana sy ny ratsy fanahy amin'ny alalan'ny afo koa ny boky ary ny fametrahan'i Jesosy ny fanjakany mandrakizay eto amin'ny tany nohavaozina.
Ireo mpandinika ny Apokalipsy dia mikaroka amin- kafanam-po ary miezaka mamantatra ireo famantarana sy ireo toe-javatra voalaza mialoha izay manamarika ny tantaran'ny fiangonana nanomboka tamin'ny taonjato voalohany taorian'i Kristy ka hatramin'izao andro farany misy antsika izao. Ary tsy misy mahadiso azy ireo tokoa amin'izany.
Kanefa ho hitantsika amin'ity lesona farany amin'ny telovolana ity fa ny Apokalipsy dia boky misiônera mifantoka amina Andriamanitra misionera izay miantso antsika ho fiangonana misionera. Hisy hatrany ny fiantsoana antsika hanambara ny "fahamarinana ankehitriny" amin'izao tontolo izao mandra- panaon'ny olona tsirairay safidy hanaraka na hanohitra an' Andriamanitra.