Vakio ny "Tao amin'ny fitsaran'i Pilato" (toko 77), "Kaivary" (toko 78) ary ny "Vita" (toko 79) ao amin'ny IFM.
"Naniry mafy ny hamonjy an'i Jesôsy i Pilato. Hitany anefa fa tsy afaka nanao izany izy, raha notazoniny ihany ny toerany sy ny voninahiny. Naleony nisafidy hanao sorona ain'olona tsy manan-tsiny, toy izay ho very ny fahefany araka izao tontolo izao. Firifiry no manao sorona toy izany ny foto-pinoana mba hialana amin'ny fatiantoka na ny fahoriana. Manondro lalana iray ny feon'ny fieritreretana sy ny adidy, ary manondro lalan-kafa ny tombontsoan'ny terra. Manosika mafy ho amin'ny lalana ratsy ny riaka, koa izay manao marimaritra iraisana amin'ny ratsy dia voafaoka any anatin'ny haizina matevin'ny heloka." - IFM, t. 795.
"Teo amin'i Kristy no napetraka ny fahadisoantsika rehetra amin'ny maha-mpisolo toerana antsika sy antoka ho antsika Azy. Nisaina ho anisan'ny mpanao meloka lzy mba hahazoany manavotra antsika avy amin'ny fanamelohan'ny laiàna. Nitambesatra teo amin'ny fony ny fahadisoan'ny taranak'i Adama tsirairay. Ny fahatezeran'Andriamanitra amin'ny fahotana, ny fanehoany mahatahotra ny tsy fankasitrahany ny fahadisoana dia nahazendana ny fanahin'ny Zanany. Nandritra ny fiainany manontolo dia notorin'i Kristy tamin'izao tontolo izao lavo ireo vaovao mahafaly momba ny famindrampon'ny Ray sy ny fitiavany mamela heloka. Famonjena ho an'ny lohan'ny mpanota no lafin-kevitra nasehony. Nefa ankehitriny, noho ny vesatra mahatsiravin'ny heloka nentiny, dia tsy afaka mahita ny tavan'ny Ray mitory fampihavanana lzy. Ny fialan'ny tavan'Andriamanitra tsy ho hitan'ny Mpamonjy tamin'ity fotoana nampitebiteby Azy mafy indrindra ity, dia nanindrona ny fony tamin'ny alahelo izay tsy ho takatty ny olona na oviana na oviana amin'ny fomba feno. Mafy loatra io ady mihatra aman'aina niaretany io ka saika tsy reny ny fanaintainany ara-nofo." - IFM, tt. 811, 812.
FANONTANIANA hifanakalozan-kevitra
1. Jereo ny anasongadinan'i Ellen White (sy ny Baiboly; jereo ohatra ny Isa. 53) ny maha-zava-dehibe ny teôlôjia mikasika ny fisoloan'i Kristy antsika.
2. Nahoana no fampianaran-diso ny teôlôjia rehetra izay manamaivana ny toerana manan-danja tanan'ny fisoloana sy ny fahafatesan'i Kristy ho antsika ka nandraisany ho an'ny Tenany ny famaizana noho ny otantsika? Iza moa no "Barabasy" amin'izao androntsika izao, izay angatahin'ny olona ho solon'i Jesôsy?
3. Inona no tokony hambaran'ny tantaran'i Josefa avy any Arimatia amintsika momba ny tsy tokony hitsarana ivelany.
4. Avereno vakina ny Dan. 9:24-27. Tokony ho hainao ny manao fampianarana Baiboly mahakasika io ampahany Io amin'izay mangataka ny hanaovanao izany, nahoana? Hainao ve izany?