MIOVA NY DRAFITRA
Vakio ny Eks. 2:11-25. Inona avy ireo tranga nifanesy faingana Izay nanova tanteraka ny drafi-piainan'l Mosesy? Inona avy ny lesona azontsika ianarana avy amin'lo tantara io?
Inona no hataon'i Mosesy? Hilefitra amin'ny fakam-panahin'i Egypta sy ny fahafinaretan'ny lapa ve izy, sa hiombom-pahoriana amin'ny vahoakany? Tsy ela dia nanery azy handray fanapahan-kevitra ny zava-nitranga.
"Rehefa ren'i Farao izany zavatra izany, dia nitady hamono an'i Mosesy izy. Fa Mosesy nandositra ny tavan'i Farao ka nonina tany amin'ny tany Midiana; ary nipetraka teo anilan'ny lavaka fantsakana izy." - Eks. 2:15.
Tsy nanana safidy i Mosesy rehefa avy namono olona, raha mbola nijanona tao Egypta koa. Araka izany, na inona na inona drafitra natao ho azy hiakarany eo amin'ny seza fiandrianan'i Egypta sy ho tonga "andriamanitra", dia nofoanana faingana ireo drafitra ireo. Tsy ho tonga andriamanitra i Mosesy, ho fanampin'ireo andriamanitra sandoka, fa hanompo an'Andriamanitra marina kosa. Azo antoka fa tsy nahazo an-tsaina izay hoaviny i Mosesy tamin'ny fotoana nandosirany.
"Avy hatrany dia niely eran'ny tany izany zavatra izany (ny namonoan'i Mosesy ilay Egyptianina) ka tonga vetivety tany an-tsofin'i Farao, nefa nampitomboina be ihany. Naseho azy fa mety hiteraka fahavoazan-dehibe izao raharaha izao; mitady hitarika ireo rahalahiny hanohitra ny Egyptiana Mosesy; sy hanongana ny fitondram-panjakana ka hipetraka eo amin' amin'ny seza fiandrianana; raha atao indray milaza dia tsy hisy filaminana mihitsy eto amin'ny fanjakana raha mbola velona izy. Avy hatrany dia nomelohin'ny mpanjaka ho faty izy. Rehefa reny ny loza mananontanona azy, dia nandositra nankany amin'ny lalana any Arabia Mosesy." PM, ed. 1985, t. 245.
Niaina 120 taona i Mosesy (Deo. 34:7), ary azo zaraina ampahany telo, izay 40 taona avy, ny fiainany. Tany Egypta ny 40 taona voalohany, indrindra tao an-dapan'ny mpanjaka. Tany an-tranon'i Jetro tany amin'ny faritr'i Midiana no nandaniany ny 40 taona faharoa.
Ny 40 taona farany kosa no nandrafetana ny ampahany lehibe amin'ireo boky dimy voalohany nosoratan'i Mosesy (sy resahina amin'ity telovolana ity), izay mirakitra ny tantaran'ny niantsoana voalohany ny Isiraely ho vavolombelona eo anivon'ny tontolo feno fanompoan-tsampy, mba haneho ny toetra amam-panahin'llay Andriamanitra marina (jereo ny Deo. 4:6-8).
Tao anatin'ny drafitr'Andriamanitra ve ny namonoan'i Mosesy ilay Egyptianina? Raha tsia, inona no ambaran'ity tantara ity amintsika mikasika ny fomba ifehezan'Andriamanitra ny toe-javatra rehetra, na inona na inona, ka ampiasany izany ho fanatanterahana ny sitrapony? Ahoana no anampian'ny Rôm. 8:28 antsika hahatakatra izany fahamarinana manan-danja izany?